MAZMUR 138:3 - KITAB NU TUMPU ALLA LELE MA'IMAI'

³ Salatan aku nongkakasemo hi Belento, Belento nontaamimo mae, pinohosonmo nu Belento na kinyonyoangku sahingga aku binaanimo.

MAZMUR 138:3 ပူးပေါင်းရင်းမြစ်များ

MAZMUR 18:6

Aku tinikubanmo nu balaa anu monsilakaimo, bau pohakop nu anu monsilakaimo ingahopankumo.

MAZMUR 27:14

Sabole-bole ahi' taha'iman hi Tumpu, pohoson ka' bolimo mongabali' na kinyonyoa nu beleyum; ingat, sabole-bole ahi' taha'iman hi Tumpu.

MAZMUR 28:7

Tumpu na monjagai mae aku ka' anu montinjohi mae aku, aku pinalesayamo hi Ia. Ia nontulungimo mae ka' nompolame'mo kinyonyoangku, aku mompuji'mo Ia nu nyanyian anu bau pontalima kaseh.

MAZMUR 29:11

O'amalakon da Tumpu mombee'i mae kahosonan hi mian anu palesayamo hi Ia, ka' mompobilahimo kantumuu'an nu aha.

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

MAZMUR 63:8

Kalana Belento na nontulungimo mae aku; i uno nu polipik nu Belento, aku nanyanyimo ka' i lame'mo.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 65:24

Ma'isa pe'e aha mongkakase mae, Ku taamimo na aha, ma'isa pe'e aha lapas na balado'a, Ku talimamo na do'a nu aha.

DANIEL 10:18

Sahingga daagi' minsan na ia nongkanyang mae aku lantas ingoa'anku hosonku nintuangmo.

DANIEL 10:19

Ia notatae, “Tumpu mongkalibosi beleyum kalana aijo' boli bata-bata kabai mabuhuk, donganmo pahoson!” Hau-haunyo ia nontaloakon han aijo' ingoa'anku nompaka pahosonmo mule' ka' notataemo, “Soba potataemo mae o, Tumpu, belento Tuan nompaka tuangimo mae kahosonanku.”

ZAKHARIA 10:12

Aku mompohosonmo mian anu palesayamo hi beleng-Ku, aha tulu-tulutanmo ka' monsombahmo Aku. Akumo, na Tumpuu anu notataemo.”

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

KOLOSE 1:11

O'amalakon da kuasa anu lengkat mae hi Tumpu anu talasanggo, komiu opohoson, sahingga komiu moko ala sabaan na mongoa'i sansala i han iwi-iwi', ka' sabaan ka' sanang na kinyonyoa

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.