MAZMUR 138:2 - KITAB NU TUMPU ALLA LELE MA'IMAI'

² Aku tinolodadupumo monsombahmo mo'ahop sasu i Laigan nu Belento anu susi', ka' nompuji'mo sanggo nu Belento kalana Belento manonong ka' saja' mongkalibosi. Belento talalo hondo mompentingkan anu jinanji'mo nu Belento molingkudui pikilan nu mian anu montutuhakon Belento.

MAZMUR 138:2 ပူးပေါင်းရင်းမြစ်များ

1 TOMU-TOMUNDO' 8:15

Ia notatae, “Naipuan mae Tumpu nojanji'mo hi tuumangku i Daud, sumo uuka, 'Saltanmo pe'e Aku nomboa mian anu pinalesayamo hi beleng-Ku nosabat mae i Mesir, songko-songko na lipu' nu Israel mae pe'e sa'angu' na kota madi' ko anu pinile'an-Ku da timbali tampat pombauan laigan bau ponsomban Aku. Panyo beleyum Daud pinile'an-Kumo da mompalentah mian anu pinalesayamo hi beleng-Ku.' O Puji' na Tumpu Allah Israel anu nongganapimo janji'-Nyo aijo'!”

1 TOMU-TOMUNDO' 8:20

Uuka aiya Tumpu nongganapimo anu jinanji'-Nyomo Aku tinimbali Tomundo' nu Israel nombolosakon tuumangku, ka' aku mule' nombaumo Laigan bau ponsomban Tumpu, Tumpu Allah Israel.

1 TOMU-TOMUNDO' 8:24

Belento nongganapimo janji' nu Belento hi tuumangku i Daud. Apaa na anu jinanji'mo nu Belento aijo' binaumo nu Belento sinaa aiya.

MAZMUR 115:1

Misa' kami, o Tumpu, misa' kami, panyo olamo ahi' Belento na tionyo o puji', kalana Belento manonong ka' saja' mongkalibosi.

MAZMUR 28:2

Potombihingakon mae na anu ku kakase aiya de aku moloboo'mo momoita tulung ka' mohangkatmo limangku sasu mokiijo' i Laigan nu Belento anu susi'.

MAZMUR 5:7

Nupatei nu Belento na to mia-mian anu mongka'ima'i lewa' baleko' anu saja' mongakali ka' anu saja' mompatei otoa nu Belento madi' ko angga'nyo.

MAZMUR 5:8

Panyo kalana talalo hondo Belento mongkalibosi, aku timbali minsoop i uno nu Laigan nu Belento. Aku tolodadupu monsombah mongahopi Laigan nu Belento anu susi', ka' ku sombah na Belento kalana talalo ku angga'i.

MAZMUR 56:10

I sinaa aku nongkakasemo nomoita tulung hi Belento, mian anu monsampobali' mae mopalaimo, kalana ku sumbu' Tumpu nontinjohimo mae aku.

MAZMUR 56:4

Salatan aku nabuhukmo, aku nontaha'imanimo Belento.

MAZMUR 85:10

Memang Ia ko kahanda' momposalamat anu tulu-tulutan. Tumpu anu talasanggo hondo jojoongmo i lipu'to aiya.

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

MAZMUR 99:5

Oholomati ka' opopodaka' na Tumpunto anu talasanggo tolodadupumo i ahop nu kasuhangannyo ka' sombahmo na Ia. Ia talalo hondo Susi'!

MAZMUR 99:9

Oholomati ka' opopodaka' na Tumpunto, ka' sombahmo na Ia i Puge'-Nyo anu Ia na tumpu'nyo ka' anu susi' hondo, kalana susi' hondo na Tumpunto.

YESAYA 42:21

Tumpu situjumo na momposalamat; Ia mongkahanda'i da atulan-Nyo oholomati ka' opopodaka'.

YESAYA 63:7

Aku kahanda'mo moleleakon kalibosan nu Tumpu ka' mompuji' Ia kalana palabuatan-Nyo. Molabi-labi na balakat-Nyo hi mian anu palesayamo hi Ia, kalana Ia talalo molibos ka' kalibosan-Nyo madi' kokamingkotannyo.

DANIEL 6:10

Sahingga i Tomundo' Darius nontekengimo sulat palentah aijo'.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

MATIUS 5:18

O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 10:35

Osumbu'to apaa na anu tinulis i uno nu Kitab nu Tumpu opake sidu-sidutu'. Jadi de Tumpu monsanggohi ‘tumpu’ hi to mia-mian anu montalima potatae-Nyo,