MAZMUR 136:24 - KITAB NU TUMPU ALLA LELE MA'IMAI'

²⁴ Pinobebas-Nyomo na kita da boli nu patei nu mian anu monsampobali' mae; kalibosan-Nyo sampe toka sidu-sidutu.

MAZMUR 136:24 ပူးပေါင်းရင်းမြစ်များ

NEHEMIA 9:27

sahingga binee'mo nu Belento na aha hi sampobali' nu aha, anu talalo hondo buhingison na balakuasa ka' monsansala aha. Panyo i uno nu kasusa'an anu taha-tahahumo hondo, aha nomoitamo tulung hi belento da otulungi. Kiita' mae i suluga ihongomo mae nu Belento; kalana talalo ahi' molibos, sahingga tinaamanmo mae nu Belento. Sinaimo mae nu Belento na polaya' ka' mule' talenga', anu nompobebasmo aha da madi'mo ko sampobali' mompoposia.

MAZMUR 107:2

Saja' opo uli-ulit na montaloakon aijo', o belemiu anu nongoa'imo kasusa'an panyo pinosalamatmo.

NOSABATMO 15:13

I laya'mo nu belento na bansa anu pinosalamatmo nu Belento aiya, kalana Belento totu-totu'u montoongi janji' nu Belento. Tiba kahosonan anu daka' hondo, aha jinagaanmo nu Belento ka' i laya'mo nu Belento, i tano' nu Belento anu susi'.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

PO'ULE' INGULIT 15:15

O inau' ahi' na belemiu naipuan mae binau botuan i Mesir lantas pinobebasmo nu Tumpu Allah nu belemiu; mokonyo aijo' Aku mombee'i palentah aiya hi belemiu.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.