MAZMUR 136:11 - KITAB NU TUMPU ALLA LELE MA'IMAI'

¹¹ Israel sinabatakon-Nyo lengkat mae i Mesir; kalibosan-Nyo sampe toka sidu-sidutu';

MAZMUR 136:11 ပူးပေါင်းရင်းမြစ်များ

MAZMUR 105:37

Lapas aijo' bansa Israel sinabatakon-Nyomo ka' binoa-Nyomo aha nomboa mosoni' ka' salaka; iwi-iwi' na aha mahoson ka' madi' ko anu masakit.

MAZMUR 78:52

Lantas i laya'nyomo na mian anu palesayamo hi ia susumo sanggombu na domba, ka' nolaya'mo notulu tampat padang anu mateges.

NOSABATMO 12:41

I sinaa pupuusnyomo nu taun ko 430 nyomo aijo' iwi-iwi' na mian anu pinalesayamo hi Tumpu nojonjulumo nompala'imo mae tano' nu Mesir.

NOSABATMO 12:42

Pihi-pihi aitu Tumpu nonjagaimo aha nonsabatakon mompala'imo Mesir. Ka' aijo'mo na pihi anu saja' osombahkon hi Tumpu salaku pihi anu saja' o inau'. Pihi aijo' mian nu Israel tionyo ahi' balajaga-jaga.

NOSABATMO 12:51

I sinaa aijo' tumpu nomboamo iwi-iwi' mian nu Israel nosabatmo nompala'imo Mesir.

NOSABATMO 13:14

De saidi' mae i mihinyo anak nu belemiu mompokilawa apaa na alati'nyo iwi-iwi' aijo', belemiu tionyo ahi' montaami sumo uuka, 'Tiba kuasa nu Tumpu anu Daka' hondo nomboamo mae kita nosabat lengkat i lipu' nu Mesir, tampato binotuanan.

NOSABATMO 13:16

Anu saja' obau aijo' bau pompotuka' kita salaku tanda anu pinosegot i lima kabai i siakanto. Tiba jalan anu sumo aijo' kita saja'mo monginau' Tumpu anu nonsabatakonmo mae kita lengkat i Mesir nu kuasanyo anu daka'.”

NOSABATMO 13:17

Salatan pinobee'mo nu tomundo Mesir na bansa Israel namba, Tumpu Allah madi' nomboa aha notulu jalan anu monsahak lipu' Filistin, mau mule' aijo' ahi' na jalan anu magontop. Tinutugan nu Tumpu Allah? “Boli-boli mian haha aijo' mompele-pele'mo de montoamo aha tantu mahampatemo lantas po'ule'mo minsusule' i Mesir.”

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 13:9

Lamean aiya bau pompotuka hi belemiu salaku tanda anu oposegot i lima nu belemiu kabai i siakan nu belemiu. Lamean aiya mompotuka' belemiu da saja' montaloakon ka' monggulu'i to Atu-atulan nu Tumpu, kalana Tumpu nonsabatakonmo mae belemiu lengkat i Mesir, nu kuasa-Nyo anu daka'.