MAZMUR 135:4 - KITAB NU TUMPU ALLA LELE MA'IMAI'

⁴ Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 135:4 ပူးပေါင်းရင်းမြစ်များ

MAZMUR 33:12

Mohumpak kantumuu'an ma'ima' na bansa anu mongakui Tumpu salaku Tumpunyo, mohumpak kantumuu'an ma'ima' na mian anu pinile'an-Nyomo ka' Iamo na tumpu-Nyo!

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

YEREMIA 51:19

Tumpu Allah i Yakub madi' sumo pilogot haha aijo'; Ia na nompotimbali sinin na apa-apaa. Sanggo-Nyo aijo'mo Tumpu Anu Mahakuasa Pinile'an-Nyomo na Israel binau mian anu palesayamo hi Ia.

MALEAKHI 3:17

Tumpu Anu Daka' na Kuasanyo notataemo, “Aha timbalimo mian anu palesayamo hi beleng-Ku. Toka isinaanyo Aku momputusimo aha timbalimo. Aku na Tumpunyo ka' Ku kalibosimo. Kukanonongimo na aha, susumo samian na tuuma mongkanonongi anak anu tulu-tulutan hi Ia.

PO'ULE' INGULIT 10:15

Panyo kalibosan anu taha-tahahumo nu Tumpu Allah hi mompolee' miu, sahingga mau manjoo' na bansa panyo belemiu na pinile'an-Nyo, ka' sampe tempo' uuka aiya belemiu mian-Nyomo anu pinile'anmo.

PO'ULE' INGULIT 26:18

Sinaa aiya, Tumpu nontalimamo belemiu ka' tinimbalimo mian anu pinalesayamo hi Ia susumo anu jinanji'-Nyomo hi belemiu, ka' Ia nompalentahmo belemiu da mombau iwi-iwi' palentah-Nyo.

PO'ULE' INGULIT 32:9

Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.