Paka boa mule' na mosoni' iwi-iwi' ka' salaka anu ilimu' nu beleyum Utus hi songko-songko na Babel ka' iwi-iwi' na anu binee'mo nu bansa Israel tiba to ima-imamnyo, da bau kapentingan i Laigan nu Tumpu Allah nu aha kiijo' i Yerusalem.
O'amalakon da Tumpu kiita' mae i Sion mombalakatimo mae beleyum. O'amalakon da beleyum montoa kantumuu'an ma'ima' anu sukupmo i Yerusalem sansina-sinaa.
Susumo anu ihongontomo, uuka aiya tinoantomo, i Kota' nu Tumpu Anu Balakuasa hondo. Kota' aijo' atina'mo na Kota' nu Tumpu-nto, Nu sangaja'i sampe toka sidu-sidutu'.
Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”
Hi Yakub madi' tinoa na hahan anu ma'idek; hi Israel madi' tinoa na kasusa'an. Tumpu, Tumpu Allah nu aha, monsangalui aha. Aha lewa'mo noloboo'akon; Iamo na Tomundo!