MAZMUR 135:12 - KITAB NU TUMPU ALLA LELE MA'IMAI'

¹² Lantas lipu' nu aha binee'Nyomo tinimbalimo anu nu Israel, mian anu pinalesayamo hi Ia.

MAZMUR 135:12 ပူးပေါင်းရင်းမြစ်များ

MAZMUR 78:55

I ahop nu mian anu palesayamo hi ia, i laa'-Nyomo na mian anu jojoong i kiijo', lantas binagi-bagiakon-Nyomo na lipu' aijo' hi iwi-iwi' na tulunan nu bansa Israel mian anu palesayamo hi Ia sahingga aha nonjojoongimo iwi-iwi' na kema' nu sampobali' nu aha.

NOMBILANGMO 33:54

Lapas aijo' o bagi-bagimo nu belemiu baumo pusaka' nu to tulu-tulunan nu bansa miu, mombagi aijo' o buangakon onde. Hi tulunan nu bansa anu manjoo' tionyo ahi' obee'i nu belemiu bahagian anu manjoo', ka' hi tulunan nu bansa anu sangkiding bahagiannyo suele ahi' sangkiding.

PO'ULE' INGULIT 29:8

Tano' nu aha ingalantomo ka' binee'tomo bau bagi nu aha tulunan nu bansa Ruben, Gad ka' sambahagian anu nu tulunan nu bansa Manasye.

YOSUA 11:23

Songko-songko na lipu' aijo' pinatundu'mo i Yosua susumo anu pinalentahkonmo nu Tumpu hi Musa, ka' binee'mo hi bansa Israel tinimbalimo aha na tumpunyo. Lipu' haha aijo' binagi-bagimo ka' toto sa'angu' na tulunan nu bansa nohumpakmo sa'angu' na bahagian. Bansa Israel madi'mo lewa' nahampate ka' lipu' nu aha madi'mo ko anu lewa' mompoposia.

YOSUA 12:7

To tomu-tomundo anu pinatundu'mo i Yosua hingga-hinggat tiba bansa Israel aijo'mo iwi-iwi' na tomundo i da'erah sasu kinsoban Kaunyo nu Yordan, lengkat mae i Baal-Gad i Bangka'nyo nu Libanon lau-laus i Bungkutnyo anu Madi' ko anu tumuu' sasu selatan koko Edom. Da'erah haha aijo' binagi-bagiakonmo i Yosua hi to tulu-tulunan nu bansa Israel da timbalimo anu nu aha na tano' aijo'.