MAZMUR 134:1 - KITAB NU TUMPU ALLA LELE MA'IMAI'

¹ Nyanyian mamba i tampat anu ko balakatnyo. Imbo', da opuji' na Tumpu, o mian iwi-iwi' posaihon nu Tumpu, iwi-iwi' anu monsombah i Laigan-Nyo de malomo.

MAZMUR 134:1 ပူးပေါင်းရင်းမြစ်များ

1 TAWARIKH 9:23

Salatanmo pe'e aitu aha tiba lee' nu aha sabole-bolemo tinimbali penjaga sabatan daka' Laigan nu Tumpu.

1 TAWARIKH 9:27

Aha jojoong koko Laigan nu Tumpu, kalana tionyo ahi' nu jagai nu aha na laigan aijo' ka' montuhea'akon sabatan daka' haha aijo' de mopatasmo salatan subu-subumo.

1 TAWARIKH 9:33

Sambagian na mian nu aha Lewi sangga'at mongala bahagian manyanyi i Laigan nu Tumpu. To tu'a-tu'anyo nu auwan nuaha jojoong i Laigan daka' anu pa' sangkuka na konjoo'nyo kiijo' i Laigan nu Tumpu. Aha madi'mo binee'an kalaja sangga'at, kalana aha binee'anmo kalaja sinaa ka' malom.

2 TAWARIKH 29:11

To ana-anaku, bolimo montanda'i pipiin, kalana belemiumo na pinile'an nu Tumpu da monsombah ka' palesaya hi ia ka' mule' mompapu kamangian ka' mongatun mian da'isan da monsombah Tumpu.”

2 TAWARIKH 35:5

O'atun ima-ima' na gombuan nu belemiu aijo' sahingga daagi' saja' ko anu atina' mae hi belemiu na montulungi, toto sa'angu' na gombuan nu mian Israel i Laigan nu Tumpu.

NEHEMIA 12:9

Mian anu manyanyi monyanyiakon nyanyian bau pontaami: i Bakbukya, i Uni, ka' to sanga-sangalunyo anu aha sa'anakan mae.

MAZMUR 103:21

O, puji' na Tumpu, o belemiu iwi-iwi' malaekat kiita' i suluga', iwi-iwi' na posaihon-Nyo anu mombau apaa na anu nu kahanda'i.

MAZMUR 113:1

O, puji' na Tumpu! O to posa-posaihon nu Tumpu, o, puji' na sanggo nu Tumpu.

MAZMUR 120:1

Nyanyian mamba i tampat anu ko balakatnyo I uno nu kasusa'anku, aku nongkakasemo momoita tulung hi Tumpu, ka' tinaamannyomo mae na aku.

MAZMUR 121:1

Nyanyian mamba i tampat anu ko balakatnyo Aku montoa mokiita' ito bungku-bungkutnyo, lengkat mae iya na anu montulungi aku?

MAZMUR 122:1

Nyanyian i Daud mamba i tampat anu ko balakatnyo. Aku lame' hondo salatan mian nompoto'imo hi belengku, “Imbo' da kita mambamo i Laigan nu Tumpu!”

MAZMUR 123:1

Nyanyian mamba i tampat anu ko balakatnyo. Aku nonsinda Belento O, Tumpu anu mompalentah mae kiita' i suluga'.

MAZMUR 124:1

Nyanyian i Daud mamba i tampat anu ko balakatnyo. Mosiamo de Tumpu madi' mae montinjohi kita? O, Israel, taami mae sumo aijo';

MAZMUR 125:1

Nyanyian mamba i tampat anu ko balakatnyo. Mian anu pinalesayamo hi Tumpu, sumomo Bungkutnyo nu Sion anu mahoson hondo madi' opoko gayu' ka' montahan pin sampe toka sidu-sidutu'.

MAZMUR 126:1

Nyanyian mamba i tampat anu ko balakatnyo. Salatan Tumpu nompo'ule'mo nompoko'ima'i ka'adan nu Yerusalem, kita sumomo anu nongipi!

MAZMUR 127:1

Nyanyian i Salomo. De misa' Tumpu na mompotinjo laigan, palasuma na to tuka-tukangnyo anu mokalajamo. De misa' Tumpu na monjagai kota' palasumo na to mia-mian anu monjagai lewa' balajaga-jaga.

MAZMUR 128:1

Nyanyian mamba i tampat anu ko balakatnyo. Mohumpak kantumuu'an ma'ima' na mian anu mongkabuhuk ka' montuluti palentah nu Tumpu.

MAZMUR 129:1

O Israel, poto'i mae pa' mosia na beleyum sinakisa nu mian anu nonsampobali'mo, salatanmo pe'e beleyum daagi' olitau.

MAZMUR 130:1

Nyanyian mamba i tampat anu ko balakatnyo. I keles nu kasusa'an aku nongkakasemo mae hi Belento o, Tumpu.

MAZMUR 130:6

Aku mongindimo hondo Tumpu, molingkuduimo anu balonda monjaga pihi, mongindi jingka nu sinaa.

MAZMUR 131:1

Nyanyian i Daud mamba i tampat anu ko balakatnyo. O, Tumpu, aku madi' mindaka-daka', ka' madi' kobubuun. Aku madi' lewa' pagala molio anu talalo daka', kabai anu talalo mahan ohumpak nu belengku.

MAZMUR 132:1

Nyanyian mamba i tampat anu ko balakatnyo. O, Tumpu, inau'akon na i Daud, ka' iwi-iwi' na kasansala'annyo.

MAZMUR 133:1

Nyanyian i Daud mamba i tampat anu ko balakatnyo. Talalo hondo ma'ima' ka' sanang, de mian anu palesayamo hi Tumpu saja' tumuu' dame ka' mompaha kano-kanonongi.

MAZMUR 84:5

Totu-totu'u mohumpak ka'ima'an na mian anu jojoong i laigan nu Belento, ka' saja' monyanyi, nyanyian anu bau pompuji' Belento.

IMAMAT 8:35

Pitun sinaa na kopinnyo sinaa ka' pihi, belemiu tionyo ahi' sabole-bole jojoong i ahop nu sabatan nu Kemah mombau apaa na anu pinalentahkonmo nu Tumpu. De belemiu madi' mombau, belemiu matemo. Aijo'mo na pinalentahkon nu Tumpu hi belengku.”

LUKAS 2:37

i Hana binalumo, ka' uuka umunnyo uwalumpulu'mo opat na taun. Madi' toho' ia mompala'i Laigan nu Tumpu. Sinaa ka' malom, ia monsombah i kiijo' hi Tumpu balado'a ka' bapuasa'.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

ANU PINOTO'I HI YOHANES 19:5

Lantas i hongo lengkat mae i kasuhangan aijo', potatae anu nontaloakon, “O puji' na Tumpu, o belemiu iwi-iwi' posaihon nu Tumpu, ka' iwi-iwi' mian – daka' ise' – anu nonsombah Tumpu!”

ANU PINOTO'I HI YOHANES 7:15

Aijo'mo na sababnyo aha tinuminjomo i ahop nu kasuhangan nu Tumpu, ka' monsombah hi Ia sinaa ka' pihi i uno nu Laigan nu Tumpu. Ka' Ia anu sinumuhang i kasuhangan aijo' tokaje mae tiba aha da monjagai aha.