MAZMUR 133:1 - KITAB NU TUMPU ALLA LELE MA'IMAI'

¹ Nyanyian i Daud mamba i tampat anu ko balakatnyo. Talalo hondo ma'ima' ka' sanang, de mian anu palesayamo hi Tumpu saja' tumuu' dame ka' mompaha kano-kanonongi.

MAZMUR 133:1 ပူးပေါင်းရင်းမြစ်များ

KAJADIAN 13:8

I Abram notataemo hi Lot, “Kita aiya moto utus, madi' ma'ima' de to mia-mian nu beleyum ka' to mia-mianku painggaga.

KAJADIAN 45:24

Lapas aijo' ia nompolengkatmo to utu-utusnyo, ka' nompoto'i hi aha, “Boli painggaga i jalan.”

MAZMUR 122:1

Nyanyian i Daud mamba i tampat anu ko balakatnyo. Aku lame' hondo salatan mian nompoto'imo hi belengku, “Imbo' da kita mambamo i Laigan nu Tumpu!”

MAZMUR 124:1

Nyanyian i Daud mamba i tampat anu ko balakatnyo. Mosiamo de Tumpu madi' mae montinjohi kita? O, Israel, taami mae sumo aijo';

MAZMUR 131:1

Nyanyian i Daud mamba i tampat anu ko balakatnyo. O, Tumpu, aku madi' mindaka-daka', ka' madi' kobubuun. Aku madi' lewa' pagala molio anu talalo daka', kabai anu talalo mahan ohumpak nu belengku.

YESAYA 11:13

Kalaja'an Israel madi'mo daagi' mongka'ideki kalaja'an Yehuda, ka' mule' kalaja'an Yehuda madi'mo daagi' monsampobali' Israel.

YESAYA 11:6

Serigala mogalumo hingga-hinggat tiba domba, macan tutul lumukutmo koko mee'. Anak nu sapi' mongototmo hingga-hinggat tiba anak nu singa, ka' anak anu daagi' ise' mohela'mo aha.

YESAYA 11:9

I Sion, Puge'nyo nu Tumpu anu Susi', madi' ko anu ma'idek kabai ko anu mongidei. Lipu' kahomo monsumbu' apaa na aijo' Tumpu, pokakanamo susumo uee mompobuke'imo ndalangon.

YEREMIA 32:39

Ku bee'imo na aha tujuan nu kantumuu'an samata-mata ola sa'angu': aijo'mo, moholomati mae Aku sampe toka sidu-sidutu'; han aijo' na mombee'i ka'ima'an nu kantumuu'an nu aha, ka' suele kona hi lee' nu aha.

MARKUS 3:25

Ka' de i uno nu sa'angu' na poto utusan madi' ko posa'angu'an ka' to mia-miannyo, mompaha ka'ika'ideki, poto utusan aijo' timbali mosubali.

YOHANES 13:35

De komiu mompaha kali-kalibosi, atina'je ka' nusumbu' nu mian iwi-iwi', taalu' komiu anu saja' mombatuki Aku.”

YOHANES 17:21

Ku poita kita Tuuma, da aha iwi-iwi' timbali mosa'angu', susumo kita Tuuma mosa'angu' tiba Aku, ka' Aku tiba kita Tuuma. O'amalakon da aha timbali mosa'angu' tiba Kita, da dunia palesaya taalu' kita Tuuma na nonsai mae Aku.

1 KORINTUS 1:10

To Utu-utus! Tiba sanggo nu Tumpunto i Yesus Kristus, kupoita da komiu iwi-iwi' mompaha hongo-hongo; da boli ko anu mahantuda' itina' hi komiu. Tionyo ahi' komiu mosa'angu', oposa'angu' na kinyonyoa, ka' oposa'angu' na pikilan.

IBRANI 13:1

Tionyo ahi' komiu tataap mompaha kali-kalibosi samian ka' samian susumo to mia-mian Kristen anu moto utus.

1 PETRUS 3:8

Isinyo aijo'mo: Oposa'angu' ahi' to Utu-utus na tanga'an ka' kinyonyoa. Pompaha kali-kalibosi ahi' sumo to mia-mian anu moto utus. Ka' mompaha kano-kanonongi ahi', ka' mintabiat madi' montige-tige.