MAZMUR 132:6 - KITAB NU TUMPU ALLA LELE MA'IMAI'

⁶ Kiijo' mae i Betlehem i hongontomo na Peti' Palajanjian, lantas i humpakmo i padang yaar.

MAZMUR 132:6 ပူးပေါင်းရင်းမြစ်များ

KAJADIAN 35:19

Salatan i Rahel sinilakamo, ia i lamunmo i sohipi' nu jalan anu mamba i Efrata, anu tempo' uuka aiya osanggohi Betlehem.

2 SAMUEL 6:3

Peti' Palajanjian aijo' ingalamo hi laigan i Abinadab aita i bungkutnyo ka' pinosake'mo mae i kaleta anu daagi bu'ou. Lantas i Uza tiba i Ahio to ana-anak i Abinadab na nombatuki kaleta aijo'; i Uza ilumajang koko sohipi'nyo,

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

1 SAMUEL 17:12

I Daud anak i Isai mian nu aha Efrata lengkat mae i Betlehem Yehuda. I Isai ko anak aha ualu' na to momo'ane, ka' tempo'nyo i Saul nompalentah i Isai i langkai'mo hondo'.

1 SAMUEL 7:1

Sahingga mian anu jojoong i Kiryat-Yearim nongalamo Peti' Palajanjian nu Tumpu aijo' ka' binoanyomo i uno nu laigannyo nu mian anu sanggonyo i Abinadab; laigan aijo' binau aita i bawo nu bungkutnyo. Lapas aijo' nohangkatmo ka nombalakatimo i Eleazar anak i Abinadab da monjagai Peti' Palajanjian nu Tumpu aijo'.