MAZMUR 132:5 - KITAB NU TUMPU ALLA LELE MA'IMAI'

⁵ de ma'isa pe'e mompotouka Laigan nu Tumpu i Yakub, bau kajojoongan nu Tumpu Anu Mahoson hondo.”

MAZMUR 132:5 ပူးပေါင်းရင်းမြစ်များ

2 SAMUEL 6:17

Peti' Palajanjian aijo' pino una'mo i tampatnyo anu pinotokamo i Daud i uno nu kemah. Lapas aijo' i Daud nonsombahkonmo hi Tumpu koloban anu opotunu ka' koloban paladamean.

2 SAMUEL 7:1

Tumpu saja' monjagai i Tomundo' Daud da boli nu poposia nu sampo bali'nyo iwi-iwi' sahingga ia noko ala tinataap na jinojoong i laigan nu tomundo' anu aijo' kaka jojoongannyo.

1 TOMU-TOMUNDO' 8:17

Ka' mule' i Salomo notatae, “Tuumangku i Daud binatanga'mo mombau Laigan ponsomban Tumpu Allah nu Israel.

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

1 TAWARIKH 15:12

Koonyo i Daud hi aha, “Belemiu to kapa-kapala nu sa'anakan mae hi tulunan nu bansa Lewi. Kalana aijo' tionyo ahi' belemiu ka' to mia-mian nu aha Lewi sangga'at momposusi' butong nu belemiu da timbali molalin Peti' Palajanjian nu Tumpu, Tumpu Allah nu aha Israel, oboa i tampat anu pinosadiangkumo.

1 TAWARIKH 15:3

Sahingga i lagamo i Daud iwi-iwi' na mian nu Israel da toka mae i Yerusalem molalin Peti' Palajanjian nu Tumpu oboa i tampat anu pinosadianyomo.

1 TAWARIKH 22:7

Koonyo i Daud hi Salomo, “O anaku, pininmo na aku ko kahanda' mombau sa'angu' na laigan bau pongadati Tumpu Allah-ngku.

1 TAWARIKH 28:2

I Daud tinuminjomo i ahop nu aha ka' notatae, To utu-utusku sangko bansangku, potombihing mae! Pininmo na aku kino kahanda' mombau sa'angu' na laigan anu mahoson hondo da bau pompo'una'an Peti' Palajanjian nu Tumpu, da bau panintinjoan nu Tumpu Allah-nto. Aku nompotoukamo anu obau sa'angu' na laigan tampat ponsomban Ia.

2 TAWARIKH 2:6

Panyo sabenanyo madi' ko mian anu moko ala mombau Laigan nu Tumpu Allah, kalana songko-songko na langaa madi' sampa' na kodaka'nyo bau kajojoongan-Nyo. Jadi, Laigan nu Tumpu anu ku poko ala ku bau aijo', ola ugaat saimbanggan tampat pompapuan kamangian anu osombahkon hi Tumpu Allah!

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

EFESUS 2:22

Kalana tumuu' nosa'angu'mo tiba i Kristus, komiu mule' hau-haunyo pinotinjomo hingga-hinggat tiba to mia-mian sangga'at da timbali sa'angu' na Laigan nu Tumpu; i kiijo' na Tumpu Allah jojoong tiba Roh-Nyo.