MAZMUR 132:15 - KITAB NU TUMPU ALLA LELE MA'IMAI'

¹⁵ Iwi-iwi' na anu nupalalui nu aha Ku bee'i molabi-labi, to mia-mian nu aha anu kasiasi Ku pokaan sampe mobosu.

MAZMUR 132:15 ပူးပေါင်းရင်းမြစ်များ

MAZMUR 107:9

Kalana Ia nompopuasmo mian anu i negotmo, ka' nombee'i molabi-labi mian anu no'ohopmo nu iwi-iwi' na anu ma'ima'.

MAZMUR 147:14

Ia na monjagai da'erah nu beleyum da sabole-boleh madi' ko anu mompoposia, ka' momposanangmo beleyum nu gandum anu ma'ima' hondo.

MAZMUR 22:26

De sihukmo na mian aku mompuji'mo Belento, kalana iwi-iwi' apaa na anu binaumonu Belento. I ahop nu mian anu mohongo-hongo Tumpu ku sombahkonmo na koloban anu jinanji'kumo.

MAZMUR 36:8

Talalo ahi' koangga'nyo na kalibosan nu Belento o Tumpu, manusia mihohung i uno nu hohung nu polipik nu Belento.

MAZMUR 37:19

De nu tokaimo mae nu kasusa'an aha na madi' ahi' mongoa'i sansala itempo nu kasusa'an i anu okaan aha na sukup ahi' na anu okaan.

MAZMUR 37:3

Palesaya hi Tumpu, ka' pombaumo palabuatan anu ma'ima' jojoongmo ilipu' aijo' ka' mingkalakuanmo ahi' tulu-tulutan.

NOSABATMO 23:25

De belemiu monsombahmo Aku, Tumpu Allah nu belemiu, belemiu Ku balakatimo nu anu okaan ka' anu o inum ka' iwi-iwi' na panyakit Ku pojo'onmo hi belemiu.

YESAYA 33:16

Sahingga belemiu olindungimo ka' madi'mo ko anu mompoposia madi' sala' sumomo ahi' i uno nu benteng anu mahoson hondo. Anu okaan tiba anu o, inum memang pinosadiamo da bau bagi nu belemiu.

YEREMIA 31:14

To ima-imam Ku posukupakonmo na anu nu kaan nu aha ka' molabi-labimo; ka' iwi-iwi' na anu nu palalui nu mian anu palesayamo hi beleng-Ku Ku bee'mo Aku, Tumpu, na anu nontaeakonmo.”

HAGAI 1:6

Belemiu notuganmo manjoo' hondo na bine' panyo anu pinadak ola sangkiding. Belemiu daagi ko anu okaan panyo madi' mobosu. Belemiu daagi ko anggur panyo madi' sukup mongosai kinyonyoa nu belemiu. Belemiu ko pakean panyo madi' sukup na momamuti butong nu belemiu.' Ka' tambo anu ohumpak nu anu mongala tambo na mian madi' sukup na montanggungi kapalaluan nu aha.

HAGAI 1:9

Belemiu montaha'imani hasin nu ale' anu ugaat molabi-labi pada han anu ohumpak nu belemiu ola sangkiding hondo; oboa nu belemiu na aijo' panyo hasinnyo anu opadak nu belemiu aijo' Ku puhakonmo sahingga ola mingkot nutilahabakon nu mombun. Kadaka' Ku bau sumo aijo'? Makisudnyo aijo'mo: Kalana Laigan-Ku daagi susumo laigan anu na'idekmo sadangkan belemiu iwi-iwi' na pagala ahi' mombau laigan nu belemiu toto samian.

MALEAKHI 2:2

O adati mae na Aku nu palabuatan nu belemiu. De belemiu madi' mongka'oho' mompotombihing potataeng-Ku, belemiu Ku kutukimo. Iwi-iwi' na anu ihumpakmo nu belemiu salaku lejeki obali'mo timbali kutuk. Memang ahi' iwi-iwi' na anu toto ima-ima' aijo' kinutukan-Kumo kalana belemiu madi' montapali palentang-Ku.

MATIUS 5:6

Bila-bilahi na mian anu molibos na mombau pongka'oho' nu Tumpu; Tumpu mompopuasje aha!

LUKAS 1:53

Mian mo'ohop pinopuas-Nyo nu iwi-iwi' na ka'ima'an, mian kaya i laa'akon tiba madi' ko apa-apaa.

PO'ULE' INGULIT 14:29

Anu okaan aijo' bagi nu aha mian nu Lewi kalana aha madi' ko tano', ka' bagi nu mian anu lengkat mae i salipu'an, anak anu madi' ko tuuma ka' tinanyo ka' to balu-balu anu jojoong i kota-kota nu belemiu. Aha timbali toka mae ka' mongala apa-apaa na anu opalalui nu aha. De belemiu mombaumo sumo aijo' saba' Tumpu Allah nu belemiu mombalakatije iwi-iwi' na anu obau nu belemiu.”