MAZMUR 132:13 - KITAB NU TUMPU ALLA LELE MA'IMAI'

¹³ Kalana Tumpu nompile'imo Sion; Ia mongkahanda'i tampat bau kajojoongan-Nyo.

MAZMUR 132:13 ပူးပေါင်းရင်းမြစ်များ

1 TOMU-TOMUNDO' 11:13

Panyo madi' songko-songko na kalajaa aijo' Ku ala hi ia. Kalana monginau' posaihon-Ku i Daud ka' mule' monginau' Yerusalem anu binaung-Kumo kota'Ku aijo' sahingga daagi Ku potuha'i sa'angu' na tulunan nu bansa da nu palentah nu anak nu beleyum momo'ane.”

2 TAWARIKH 7:16

Iwi-iwi' aijo' tionyo ahi ku bau kalana tampat aiya pinile'an-Kumo ka' tinantukan-Kumo bau samata-mata timbali tampat ponsomban Aku sampe toka sidu-sidutu'. Aku sabole-bole mompalahatikan ka' monjagai sampe toka sidu-sidutu'.

EZRA 1:3

Ku' amalakon da Tumpu Allah monjagai ka' montoa belemiu anu tinimbalimo mian anu pinalesayamo hi Ia. Belemiu tionyo ahi' minsusule'mo i Yerusalem ka' po'ule'mo pombau Laigan nu Tumpu, Tumpu Allah Israel. Tumpu Allah anu jojoong i Yerusalem.

MAZMUR 68:16

Bungkutnyo nu Basyan aijo'mo na bungkutnyo anu talasanggo hondo, bungkutnyo anu nobagi-bagi manjoo' na bungkutnyo toto ise-ise'.

MAZMUR 87:2

Iwi-iwi' na kota' i Israel, Yerusalemo na anu talalo hondo nu kalibosi.

MAZMUR 9:12

O puji' na Tumpu anu mompalentah aita' i Sion! Osisikakon apaa na anu binau-Nyomo hi to bansa-bansa!

YESAYA 14:32

Apaa na bau pontaaminto hi aha to mia-mian anu toka mae lengkat hi aha bansa Filistin? Opoto'into tukoonto hi aha Tumpu nombaumo Sion ka' mian anu palesayamo hi Ia anu nongoa'imo kasansalan ojagaimo ikiijo mae.

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.