MAZMUR 132:11 - KITAB NU TUMPU ALLA LELE MA'IMAI'

¹¹ Tumpu binasumpa'mo hi Daud; Ia madi'mo mompojalo anu jinanji'-Nyomo. Ia notatae, “Samian na anak nu beleyum Ku potimbalimo tomundo', da mompalentah mombolosakon beleyum.

MAZMUR 132:11 ပူးပေါင်းရင်းမြစ်များ

2 SAMUEL 7:12

Ka' saidi' mae detokamo na ukun nu beleyum, beleyum olamunmo ipinolamunan mompolee' nu belemiu, samian na anak nu beleyum momo 'ane Ku hangkatmo bau tomundo'. Iaje na mombau laigan-Ku. Ku balakatije na kalajaannyo sampe toka sidu-sidutu' ka' samian na lee'nyo mompalentahje salaku tomundo'.

2 SAMUEL 7:14

Aku timbalimo tuumanyo ka' ia baumo anak-Ku mo'ane. De ia mombau kasala'an ia Ku hukum susumo samian na tuuma mohukum anaknyo.

2 SAMUEL 7:16

Beleyum saja' mohumpak lee' ka' Ku pojadije na kalajaan nu beleyum sampe toka sidu-sidutu'. Lee' nu beleyum samian sampe toka sidu-sidutu' na mompalentah salaku tomundo'.’ ”

1 TOMU-TOMUNDO' 1:48

ka' binalado'a ‘Ku puji' na belento O Tumpu, Tumpu Allah anu nu sombah nu mian Israel. Sinaa aiya samian na lee' ku i hangkatmo nu belento binau tomundo' nombolosakon aku. Ka' belento Tumpu nompobee'mo mae aku tinumuu' daagi' Nonsakisi'i!’ ”

1 TOMU-TOMUNDO' 8:25

Belento mule' nojanji'mo hi tuumangku tukoonto de lee'nyo mae totu-totu'u tulu-tulutan hi Belento susumo Ia, jadi daagi' saja' ko samian lee'nyo mae anu timbali tomundo' hi aha Israel. Uuka aiya o Tumpu Allah Israel, ganapimo mae iwi-iwi' na anu jinanji'mo nu Belento hi tuumangku i Daud, posaihon nu Belento aijo'.

2 TAWARIKH 6:16

Belento nojanji'mo hi tuumangku tukoonto, de lee'nyo totu-totu'u tulu-tulutan hi atulan nu Belento sumo ia, saba' sampe toka sidu-sidutu', samian na lee'nyo mae mompalentahje salaku tomundo i Israel. Uuka aiya, o Tumpu Allah Israel, ganapimo mae iwi-iwi' apaa na anu jinanji'mo nu belento hi tuumangku i Daud, posaihon nu belento aijo'.

2 TAWARIKH 7:18

saba' Aku mongganapimo apaa na anu jinanji'-Kumo hi tuuma nu beleyum i Daud, aijo'mo tionyo ahi saja' ko lee'nyo samian na anu o hangkat timbali tomundo' nu Israel.

MAZMUR 110:4

Tumpu binajanji' sinumpa'akon, Ia madi'mo timbali mompojalo janji'-Nyo. “Belentomo na imam sampe toka sidu-sidutu', sumomo i Melkisedek.”

MAZMUR 89:33

aha Ku dokemo salaku bau pohukum kalana aha nolanggaimo atulan-Ku, ka' Ku bee'imo balaa' kalana dosa' nu aha iwi-iwi'.

MAZMUR 89:35

Anu jinanji'-Kumo hi ia madi'mo Ku kolilimi, sa'angu' pe'e na anu jinanji'-Kumo madi'mo daagi' ku potundei.

MAZMUR 89:37

Kalaja'annyo sabole-bole totahan susumo batu nu sinaa daagi sabole-bole otoa, molundu-lundu na anak makumpu nu aha monjojoongi.

MAZMUR 89:5

‘Kalaja'an nu beleyum sabole-boleh ku potinjo sampe toka sidu-sidutu', molundu-lundu na tulunan nu beleyum ka' to maku-makumpu nu beleyum monjojoongi.’ ”

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

LUKAS 1:32

Ia saidi' mae bau kasanggoan ka' osanggohi Anak nu Tumpu Allah anu Matangkas na Kuasa-Nyo. Tumpu mompotimbali Ia Tomundo, sumo i Tomundo Daud, kampue'-Nyo mae.

SISIKON NU TO RASUL-RASUL 2:30

Tumpu noko bajanji'mo hi Daud, tiba sumpa', saba' sala' samian lengkat i lee'nyo ohangkatje nu Tumpu timbali tomundo. Kalana i Daud monsumbu' janji' aijo', ka' kalana ia suele nabi,

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

1 SAMUEL 15:29

Anu Talasanggo hondo Tumpu Allah nu aha Israel madi' baleko' ka' madi' mule' mombabali'i apa na anu tinaloakon-Nyomo, kalana Ia misa' manusia.”