MAZMUR 131:1 - KITAB NU TUMPU ALLA LELE MA'IMAI'

¹ Nyanyian i Daud mamba i tampat anu ko balakatnyo. O, Tumpu, aku madi' mindaka-daka', ka' madi' kobubuun. Aku madi' lewa' pagala molio anu talalo daka', kabai anu talalo mahan ohumpak nu belengku.

MAZMUR 131:1 ပူးပေါင်းရင်းမြစ်များ

2 SAMUEL 6:22

Ka' mule' sanang na aku o alu ka' opopo ambang mau pe'e molabi anu susumo u'uka. Timbali beleyum montaloakon aku anu madi' ko kaliangannyo, panyo to posa-posaihon anu sinanggo nu beleyum u'uka na mongadati ahi' aku!”

AYUB 42:3

Belento nompokilawamo hi belengku, kadaka' aku baanimo na mombata-batai kapandean nu Belento bapikin padahan madi' ko anu ku pisumbu-sumbu'. Aku ola nombisalakon hahan anu madi' ku sumbu' aijo'mo hahan anu talalo hondo ku kabangangi aiya.

MAZMUR 101:5

Mian anu lewa' mompobau-bau anu madi' totu'u maumo nu pohowini hi mian sangga'at ku pateimo. Mian anu mombuulakon butongnyo ka' saja' mingkinyonyoa da molingkudui sangalu madi' ola ku pojohok.

MAZMUR 122:1

Nyanyian i Daud mamba i tampat anu ko balakatnyo. Aku lame' hondo salatan mian nompoto'imo hi belengku, “Imbo' da kita mambamo i Laigan nu Tumpu!”

MAZMUR 124:1

Nyanyian i Daud mamba i tampat anu ko balakatnyo. Mosiamo de Tumpu madi' mae montinjohi kita? O, Israel, taami mae sumo aijo';

MAZMUR 133:1

Nyanyian i Daud mamba i tampat anu ko balakatnyo. Talalo hondo ma'ima' ka' sanang, de mian anu palesayamo hi Tumpu saja' tumuu' dame ka' mompaha kano-kanonongi.

MAZMUR 139:6

Talalo hondo maleeng na ilimu' nu Belento aijo', madi'mo nupoko tokai nu pikilanku.

AMSAL 21:4

Mian anu ma'idek na kinyonyoanyo aijo' baladosa', kalana nukuasaimo nu takabun ka kobubuun.

YEREMIA 17:16

Panyo, o Tumpu, madi' toho' aku nonsekeli da Belento mompotudunmo mae balaa' hi aha. Aku madi' mule' ahi' mongkahanda'i da aha nu tokaimo mae nu balaa'. Sinumbu'mo nu Belento na aijo', o Tumpu. Nu sumbu' nu Belento apaa na anu tinaloakonkumo.

YEREMIA 45:5

Kadaka' beleyum mongindimo da opopodaka'? Boli sumo aijo', Barukh! Iwi-iwi' na manusia Ku hukumo nu balaa', panyo beleyum na maumo ahi' pa' mosiamo tionyo ahi' opotumuu'. Maumo ahi' pa' moya na kalambanan nu beleyum, beleyum na tataap ahi' tumuu'. Aku, Tumpu notataemo.”

NOMBILANGMO 12:3

I Musa mian anu madi' kobubuun, nu lingkudui na mian iwi-iwi' anu tutuu' i dunia aiya.

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

SISIKON NU TO RASUL-RASUL 20:19

Madi' kino bubuun ka' saja' nonjujuhakon lolu', aku mokalaja bau kapentingan nu Tumpu i totonga' nu kasansalaan anu ku oa'i, kalana tanga'an anu ma'idek nu to mia-mian Yahudi.

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?

ROMA 12:16

Tumuu' mompaha kano-kanonongi samian tiba samian. Boli montige-tige na kinyonyoa, panyo obau na butongum susumo mian anu madi' molabi na kantumuu'annyo. Boli mongoa'i butong lebe pande, padahan madi' pande.

PO'ULE' INGULIT 17:20

De ia saja' mombasa' saba ia madi' monsangka butongnyo na lebe ma'ima' molingkudui to mia-mian sangko bansanyo, ka' madi' molanggai palentah nu Tumpu mau mule' pa' mosiamo. Lantas ia ka' lee'nyo mompalentahmo bansanyo opotulu-tulunakon.”

1 TESALONIKA 2:10

Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.

1 SAMUEL 16:13

Lia-lia' na i Samuel nongala lanya' nu zaitun aijo' ka' nohangkatmo ka' nombalakatimo i Daud, lanya' aijo' na pinipi'akon hi ia i ahop nu to utu-utusnyo tu'a. Tempo'nyo aijo' i Daud kinuasanmo nu Roh nu Tumpu. Sinaa aijo' Roh nu Tumpu saja'mo lewa' nongkuasai ia. Lapas aijo' i Samuel ninsusule'mo namba i Rama.

1 SAMUEL 16:18

Nohongo aijo' samian na posaihonnyo notataemo, “I Isai mian anu jojoong i kota' Betlehem ko anak mo'ane samian anu pande na mahaik musik. Ia mian anu baani hondo salaku suludadu anu timbali otaha'imani. Ka' mule' ia mahoson ka' pande na babisala, ka' Tumpu saja' montulungi ia.”

1 SAMUEL 16:22

Lapas aijo' i Saul nompotuunmo hi Isai, “Ku ka'ima'i na i Daud. Pobee' mae na ia da jojoongmo sidu-sidutu' i aiya ka' mombau apaa na anu ku pokauhakon hi ia.”

1 SAMUEL 17:15

Toto minsan i Daud mompala'imo i Saul minsusule'mo i Betlehem mo laya' domba nu tuumanyo.

1 SAMUEL 18:23

Panyo salatan pinotokamo nu aha hi Daud na tanga'an susumo aijo' tinaamannyomo, “Konto dengke na timbali monian nu tomundo'? Aku aiya mian anu kasiasi ka' mule' madi' kokaliangannyo!”