MAZMUR 129:5 - KITAB NU TUMPU ALLA LELE MA'IMAI'

⁵ Bakas da batu-batu mian anu mongka'ideki Sion opatundu'mo ka' olaa'mo da mopalaimo.

MAZMUR 129:5 ပူးပေါင်းရင်းမြစ်များ

NEHEMIA 6:16

Tempo'nyo to sampo-sampobali' mami te to bansa-bansa anu mompaha ohani kiijo' nohongomo han aijo', aha nabuhukmo dumo saidi mae ma'ambangmo, kalana sinumbu'mo nu mian iwi-iwi' na kalaja aijo' binau kalana Tumpu Allah na nontulungi.

ESTER 6:13

Hi bengkele'nyo pinonsisikannyomo ka' hi to sanga-sangalunyo apaa na anu ingoa'annyomo. Jadi bengkele'nyo ka' to sanga-sangalunyo anu toto pande-pande haha aijo', nompoto'imo hi ia, “Kahosonan nu beleyum nu hungku'imo i Mordekhai. Ia mian nu Yahudi, madi' nupoko ala nu beleyum na mongewa ia. Ia na tionyo mohungku'i beleyum.”

ESTER 9:5

Sumo aijo' na bansa Yahudi nombau sampobali' nu aha iwi-iwi', sahingga madi'mo aha nabuhuk hi sampobali' nu aha, toongon nu aha nontumbuhi aijo'mo bajak na pinompatei nu aha.

MAZMUR 122:6

Odo'akon na Yerusalem da mohumpak ka'imaan, “O' amalakon da iwi-iwi' na mian anu mongka'ima'i beleyum mohumpak kantumuu'an mai maima.

MAZMUR 40:15

Sahanyo mian anu kahanda'mo mompatei mae aku opatundu'mo ka' mopalaimo kalana bingongmo. Sahanyo mian anu mongkokojoi mae aku, kalana kasoe'anku, ololoi'mo ka' o'alumo.

MAZMUR 71:13

Bakas da mian anu montumbuhi mae aku opopo'ambangmo ka' osilakaimo. Bakas da mian anu kahanda'mo, monsilakai mae aku, bingongmo ka' mongoa'imo ma'ambang.

YESAYA 10:12

Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 29:8

To bansa-bansa anu sinihukmo kahanda'mo montumbuhi Yerusalem saidi' mae sumomo mian anu nongoa'imo ohop nongipimo na ia au'aitu ia hau-haunyo mongkaan lantas nobulamo padahan kompong madi'mo ko isinyo kabai susumo mian anu inegotmo nongipimo na ia au'aitu ia hau-haunyo monginum lantas nobulamo padahan gogohong pinakamo.

YESAYA 37:22

pinoto'i nu Tumpu, “Kota' Yerusalem mongkokojoimo ka' mongalumo beleyum, Sanherib!

YESAYA 37:35

Kota' Yerusalem Kutinjohimo ka' Kujagaimo da bau kaholomatan-Ku ka' kalana monginau' palajanjian-Ku hi posaihon-Ku i Daud’ ”.

MIKHA 4:11

Manjoo' na bansa anu nosa'angu'mo kahanda'mo mompahampateakon belemiu o, Yerusalem! Aha notatae, “Yerusalem tionyo ahi' ohansunimo! Tionyo ahi' otoa mami na kota' aijo' hansun!”

ZAKHARIA 12:3

Panyo de sinaa aijo' tokamo mae, Ku baumo na Yerusalem susumo batu anu maboat; maumo bansa pa' iya mae na monsoba mohangkat mohumpakmo bahaya. Iwi-iwi' na bansa i dunia aiya mosa'angu'mo montumbuhi Yerusalem.

ZAKHARIA 12:6

I sinaa aijo' to utu-utus nu aha Yehuda Ku pojadimo susumo apu i uno nu tambulan nu kau' anu pinosunmo kabai susumo potong anu noakmo pinosuhapmo i timpa'an nu gandum; nu silakaimo nu aha na to bansa-bansa anu aitu mae mompaha ohani aha. Panyo mian anu jojoong i Yerusalem na tataap ahi' jojoong madi' ko anu mompoposia i uno nu kota'.

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!