MAZMUR 128:6 - KITAB NU TUMPU ALLA LELE MA'IMAI'

⁶ O'amalakon da umu-umunakon na beleyum, ka' montoa pe'e makumpu nu beleyum! O'amalakon da mian anu jojoong atina hi beleyum mongoa'imo kasanangan'.

MAZMUR 128:6 ပူးပေါင်းရင်းမြစ်များ

KAJADIAN 48:11

Lantas notataemo na i Yakub hi Yusuf, “Madi'mo tinaha'imananku daagi' singkabot tiba beleyum, panyo uuka aiya Tumpu Allah ahi' na nompobee' aku da montoa to ana-anak nu beleyum.”

KAJADIAN 50:23

Jadi i Yusuf daagi' nontoa makumpunyo, i Efraim. Ia daagi' noko ala nompojoong to ana-anak i Makhir, aijo'mo makumpu i Manasye, sumomo posi anaknyo.

AYUB 42:16

Lapas aijo' i Ayub daagi' tinumuu' 140 taun na kinopinnyo, sahingga ia daagi' nontoa to maku-makumpunyo ka' to ana-anak nu aha.

MAZMUR 125:5

Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

AMSAL 17:6

Bau kasanangan nu anu langkai'mo ka' bengkele'mo aijo'mo to maku-makumpunyo; ka' bau kasanangan nu to ana-anak aijo'mo tinanyo ka' tuumanyo.

YESAYA 66:12

Kalana Tumpu notataemo, “Belemiu Ku bee'ije kabilahian susumo kaunyo anu mo'ili; kakaya'an nu to bansa-bansa nuboaje mae hi belemiu susumo kanyo anu mosawe'mo. Belemiu sumomo anak anu oposusu ka' otangkung nu tinanyo, ka' osapu-sapumo aijo' tangku-tangkung hi ia.

GALATIA 1:16

Tumpu nomponyata'mo Anak-Nyo hi belengku, da Lele Ma'ima' mongkona Anak-Nyo timbali ku polele hi to mia-mian anu misa' Yahudi. Tempo'nyo aitu aku madi' namba hi samian pe'e momoita da opokinde'i mae.