MAZMUR 127:3 - KITAB NU TUMPU ALLA LELE MA'IMAI'

³ To ana-anak anu binee' nu Tumpu memang, aha aijo' sa'angu' na balakat.

MAZMUR 127:3 ပူးပေါင်းရင်းမြစ်များ

KAJADIAN 1:28

Lapas aijo' binalakatan-Nyomo na aha, Ia notatae, “Minganak ka' milee' manjoo', da lee' miu monjojoongi songko-songko na dunia ka' mongkuasai. Komiu Ku bee'i palentah mongulus to ika-ikan, to tomo-tomonsi' ka' iwi-iwi' na binatang sangga'at anu ma'ela'.

KAJADIAN 33:5

Salatan i Esau nontoamo iwi-iwi' na boune ka' anak haha aijo', ia nompokilawamo, “Ihe na aha aiya anu namba mae hingga-hinggat tiba beleyum?” “Aha aijo' to ana-anakku”, tinaaman i Yakub, “Tumpu Allah nombalakatimo mae, nombee'imo mae aku to ana-anak.”

KAJADIAN 4:1

Lapas aijo' i Adam noduhusmo tiba i Hawa, bengkele'nyo, lantas pinoboamo na bengkele'nyo aijo'. Ia nompohampemo samian na anak mo' ane ka' notatae, “Tumpu na nontulungi mae aku sahingga nohumpakmo samian na anak mo' ane.” Sahingga sinanggohannyomo i Kain.

KAJADIAN 48:4

Ia notatae hi belengku, “Ku bee'ije na beleyum makumpu manjoo', da lee' nu beleyum timbali bansa anu manjoo'; Ku bee'mo na lipu' aiya hi lee' nu beleyum da ahamo na tumpunyo sampe toka sidu-sidutu'.”

2 SAMUEL 3:5

I Yitram. Tinanyo i Egla. Aha ano-anom na anak mo'ane haha aijo' ihampe ilipu' Hebron.

1 TAWARIKH 28:5

Ia nombee'imo mae aku anak manjoo' ka' anak haha aijo' iwi-iwi' pinile'an-Nyomo na i Salomo nompalentah Israel kalaja'an nu Tumpu.

1 TAWARIKH 8:40

To ana-anak i Ulam iwi-iwi' tinimbali suludadu anu toto babani ka' pande hondo mompana'. To maku-makumpunyo anu toto momo'ane iwi-iwi' aha 150 na mian. Aha iwi-iwi' ninsoop tulunan nu bansa Benyamin.

AYUB 1:2

Ia kino to ana-anak mo'ane aha popitu' ka' aha totolu' na boune.

YESAYA 13:18

Tiba pompelet nu aha ka' mule' hihisnyo nu pateimo nu aha na to oli-olitau. Aha madi' mongkalibosi bunga mea' ka' mule' madi' molibos hi to ana-anak.

YESAYA 8:18

Aiya na aku tiba to ana-anak anu binee'mo nu Tumpu hi belengku. Tumpu Anu Daka' na Kuasanyo mompalentah i Bungkutnyo nu Sion nonsaimo mae kami da timbali tanda hi aha Israel.

PO'ULE' INGULIT 28:11

Belemiu obalakatije da mohumpak anak manjoo'. Potuu'on nu belemiu timbalimo manjoo' ka' isi nu ale'miu molabi-labimo i lipu' anu jinanji'mo nu Tumpu hi mompolee' nu belemiu anu binee'mo hi belemiu.

PO'ULE' INGULIT 28:4

Obalakatimo na belemiu sahingga to ana-anak nu belemiu manjoo', isi nu ale 'miu molabi-labimo, ka' sapi' tiba mee', ka' domba nu belemiu mompaka pintuangmo.

TO MIA-MIAN KOPIAN 12:9

I Ebzan ko anak mo'ane aha tolumpulu' tiba anak boune aha tolumpulu' na mian. Anaknyo to bou-boune haha aijo' pino'osoakonnyo tiba to mia-mian anu hi tulunan nu bansa sangga'at, ka' ia mule' nongala tolumpulu' na to lalangkoyang hi tulunan nu bansa sangga'at da bau osoa nu to ana-anaknyo mo'ane. Pinopitu' na taun na kinopinnyo i Ebzan nompalentah mian nu Israel,

1 SAMUEL 1:27

Anakmo ai-aiya na pinoitangku hi Tumpu. Do'angku pinopii Nyomo mae,