MAZMUR 126:4 - KITAB NU TUMPU ALLA LELE MA'IMAI'

⁴ O, Tumpu po'ule'akon mae poko'ima'i na ka'ada'an mami susumo kaunyo anu no'otimo po'ule'mo mingue de tempo'mo nu ehua.

MAZMUR 126:4 ပူးပေါင်းရင်းမြစ်များ

MAZMUR 126:1

Nyanyian mamba i tampat anu ko balakatnyo. Salatan Tumpu nompo'ule'mo nompoko'ima'i ka'adan nu Yerusalem, kita sumomo anu nongipi!

MAZMUR 85:4

Aha madi'mo tinambuha'an nu Belento; tambuha' nu Belento anu taha-tahahumo po'ule'mo ingampunan nu Belento.

YESAYA 35:6

Mian anu kinapi'mo maha lumpatanmo susumo jonga, mian anu imomo'mo lewa'mo molo ais kalana ilame'mo. Kalana mata nu uee lubatmo ipadang tampat anu mateges, kaunyo mo ilimo ipadang tampat anu ewa.

YESAYA 41:18

Ku bauimo kaunyo da mo ili ito puge-puge'nyo anu madi' ko anu montumuu'i; mata nu uee lubatmo, mimbulalakmo mae itotonga' nu katano'an. Padang tampat anu mateges Ku potimbalimo talaga; uee lubatmo mae lengkat itano' anu kinunmo.

YESAYA 43:19

Soba palahatikan, Aku mombaumo apaa na anu sala'je obau; uuka aiya tinampu'unanmo pa' ma'isa, o tinoa nu beleyum? Ku baumo na jalan i padang tampat anu mateges, ka' mule' kaunyo i padang tampat anu ewa.

YEREMIA 29:14

Memang totu'u ohumpakmo nu belemiu na Aku. Belemiu Ku posihukmo lengkat mae hi iwi-iwi' na bansa ka' lengkat mae hi iwi-iwi' na lipu' tampat belemiu gina'a-ga'atakonmo ka' binoa. Belemiu po ule'mo Ku sule'akon mae ilipu' pinolengkatan nu belemiu aiya ka' mule' po ule'mo Ku bee' na kantumuu'an nu belemiu anu nai puan mae. Aku, Tumpu notataemo.’

YEREMIA 30:3

Kalana tokaje mae na tempo'nyo po ule'mo Ku poko ima'i na kantumuu'an nu mian anu palesayamo hi beleng-Ku, Israel tiba Yehuda. Po ule'mo Ku boa na aha ilipu' anu binee'-Kumo hi mompolee' nu aha. Lipu' aijo' po ule' nu ala nu aha.”

HOSEA 1:11

Bansa Yehuda tiba bansa Israel oposa'angu'mo mule'. Aha po'ule'mo mohangkat samian bau polaya', ka' aha timbalimo da'isan ka' sanangmo mule' i lipu' nu aha. Memang Sinaa nu Yizreel tinimbalimo sinaa anu opopodaka'!

YOSUA 3:16

tempo'nyo aijo' uee aijo' madi'mo mo'ili. Majo'on hondo aita' mae i sasu matanyo, ueenyo nosa'angu'mo i Adam sa'angu' na kota anu i sasu kota Sartan. Uee anu sasu tuntulannyo anu mo'ili mokaiyong i Ambai Mate suele madi'mo ahi' no'ili, sahingga aha mian nu Israel notaapmo i tano' anu notismo anu mompaha ahop kota nu aha Yerikho. To ima-imam anu nolemban Peti Palajanjian aijo' tataap tinuminjo i totonga' nu kaunyo sahingga iwi-iwi' na aha mian nu Israel tinokamo aijo' mae i santoanyo.