MAZMUR 126:1 - KITAB NU TUMPU ALLA LELE MA'IMAI'

¹ Nyanyian mamba i tampat anu ko balakatnyo. Salatan Tumpu nompo'ule'mo nompoko'ima'i ka'adan nu Yerusalem, kita sumomo anu nongipi!

MAZMUR 126:1 ပူးပေါင်းရင်းမြစ်များ

AYUB 42:10

Lapas aijo', salatan i Ayub noko balado'amo nondo'akon aha totolu' na sangalunyo haha aijo', Tumpu po'ule'mo nompokaya ia ka' halata'nyo anu u'utu mae pinopinduannyomo na konjoo'nyo na binee' hi ia.

AYUB 9:16

De bisuannyo Nu taamimo salatan aku motatae, aku bata-bata, pa' totu'u ahi' Ia sanang na mohongo potataengku?

MAZMUR 120:1

Nyanyian mamba i tampat anu ko balakatnyo I uno nu kasusa'anku, aku nongkakasemo momoita tulung hi Tumpu, ka' tinaamannyomo mae na aku.

MAZMUR 121:1

Nyanyian mamba i tampat anu ko balakatnyo Aku montoa mokiita' ito bungku-bungkutnyo, lengkat mae iya na anu montulungi aku?

MAZMUR 122:1

Nyanyian i Daud mamba i tampat anu ko balakatnyo. Aku lame' hondo salatan mian nompoto'imo hi belengku, “Imbo' da kita mambamo i Laigan nu Tumpu!”

MAZMUR 123:1

Nyanyian mamba i tampat anu ko balakatnyo. Aku nonsinda Belento O, Tumpu anu mompalentah mae kiita' i suluga'.

MAZMUR 124:1

Nyanyian i Daud mamba i tampat anu ko balakatnyo. Mosiamo de Tumpu madi' mae montinjohi kita? O, Israel, taami mae sumo aijo';

MAZMUR 125:1

Nyanyian mamba i tampat anu ko balakatnyo. Mian anu pinalesayamo hi Tumpu, sumomo Bungkutnyo nu Sion anu mahoson hondo madi' opoko gayu' ka' montahan pin sampe toka sidu-sidutu'.

MAZMUR 14:7

O'amalakon da lengkat mae kiita' i Sion tokamo mae na kasalamatan nu aha Israel! Sahingga lee' mae i Yakub lame'mo de nu po ule'mo nu Tumpu na kantumuu'an nu mian anu palesayamo hi Ia susumo naipuan mae.

MAZMUR 53:6

Mian anu ma'idek na kinyonyoanyo talalo ahi' mabuhuk, padahan madi' ko anu mompopobuhuk, kalana Tumpu mompotanatamo buku nu mian anu montumbuhimo belemiu; aha madi'mo tinalima nu Tumpu, jadi' opatundu'mo nu belemiu na aha.

MAZMUR 85:1

Anu mongkapalai panyanyi. Mazmur nu aha sa'anakan i Korah.

MAZMUR 85:2

Belento mongka'ima'i tano' nu Belento o, Tumpu kantumuu'an nu aha Israel po'ule'mo pinokopianan nu Belento.

YEREMIA 29:14

Memang totu'u ohumpakmo nu belemiu na Aku. Belemiu Ku posihukmo lengkat mae hi iwi-iwi' na bansa ka' lengkat mae hi iwi-iwi' na lipu' tampat belemiu gina'a-ga'atakonmo ka' binoa. Belemiu po ule'mo Ku sule'akon mae ilipu' pinolengkatan nu belemiu aiya ka' mule' po ule'mo Ku bee' na kantumuu'an nu belemiu anu nai puan mae. Aku, Tumpu notataemo.’

YEREMIA 33:26

sumo aijo'mo na Aku tataap ahi' na montoongi palajanjian-Ku tiba aha lee' mae i Yakub tiba posaihon-Ku i Daud. Samian na lee' mae i Daud Ku pile'imo da mompalentah lee' mae i Abraham, i Ishak, tiba i Yakub. Aku mongkalibosimo mian anu palesayamo hi Belengku, ka' po ule'mo mompojadi aha ko kamajuan i uno nu kantumuu'an nu aha.”

HOSEA 6:11

Mongkona belemiu, o mian nu Yehuda pinotataap-Kumo na tempo'nyo mohukum belemiu, kalana suele kalakuan nu belemiu.”

YOËL 3:1

Tumpu notatae, “Tempo'nyo aijo' Yerusalem tiba Yehuda Ku po ule'mo na kasanangan i uno nu kantumuu'an nu aha.

MARKUS 16:11

Panyo salatan aha nohongo taalu' i Yesus tinumuu'mo, ka' taalu' i Maria nontoamo Ia, aha madi' palesaya.

LUKAS 24:11

Panyo to rasul-rasul haha aijo' nonsangka to bou-boune haha aijo' ola monsisik anu madi' totu'u. Aha madi' palesaya sisik nu to bou-boune haha aijo'.

LUKAS 24:41

Ka' hau-haunyo aha ma'isa pe'e talalo palesaya, kalana talalomo i lame' ka' binangang, i Yesus nompokilawamo hi aha, “Pa' daagi' ko anu okaan na komiu u'uka?”

SISIKON NU TO RASUL-RASUL 12:9

Sahingga i Petrus nombatukimo malaikat aijo' nosabat lengkat i talungku'. Panyo i Petrus madi' monsumbu' apaa na anu hau-haunyo binaumo nu malaikat aijo' memang hahan anu totu-totu'u jinadimo. I Petrus nonsangka aijo' ola han anu kinohiabakon.

PO'ULE' INGULIT 30:3

saba' Tumpu Allah nu belemiu mongkalibosimo belemiu. Belemiu po'ule'mo osule'akon mompala'i bansa-bansa anu pinongga'a-ga'atakonan-Nyomo belemiu, ka' po'ule'mo mongoa'i kasanangan.