MAZMUR 125:5 - KITAB NU TUMPU ALLA LELE MA'IMAI'

⁵ Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

MAZMUR 125:5 ပူးပေါင်းရင်းမြစ်များ

2 SAMUEL 22:22

Aku nontulutimo palentah nu Tumpu ka' madi' ahi' pinanggaga hi Tumpu Allah-ngku.

AYUB 23:11

Aku tulu-tulutanmo hi Ia ka' mohongo-hongomo; madi'mo toho' aku mosele mompala'i jalan anu pinotiju'Nyomo.

MAZMUR 101:3

kalakuan anu ma'idek madi'mo ola ku pojohok. Ku ka'idekimo na palabuatan nu mian anu moteba'mo na kapalesaya'annyo, ka' madi'mo moninggalo' hi aha.

MAZMUR 128:6

O'amalakon da umu-umunakon na beleyum, ka' montoa pe'e makumpu nu beleyum! O'amalakon da mian anu jojoong atina hi beleyum mongoa'imo kasanangan'.

MAZMUR 40:4

Ingajan-Nyomo na aku manyanyi nyanyian anu salaje' o'ajan, nyanyian bau pompuji' Tumpunto. Manjoo' na mian nontoa ka' nabuhukmo, lantas nompalesayamo Tumpu.

MAZMUR 92:10

Osumbu' mami sampobali' nu Belento opateimo ingko-ingkot, o, Tumpu, iwi-iwi' na mian anu ma'idek na kinyonyoa oga'a-ga'at madi'mo oposa'angu'.

MAZMUR 92:7

Mian anu ponga' madi' hondo moko ala monsumbu' mian anu waweng madi' moko ala mompangalatii.

MAZMUR 92:8

Ku gantang mian anu palaganta tumuu'mo molumba' susumo hemput, ka' mian anu ma'idek na kinyonyoanyo mompaka kayamo ka' mompaka bilahimo; panyo aha opateimo madi'mo ko anu opotuha',

MAZMUR 94:4

Aha lewa' montaloakon potatae anu ma'idek, ka' lewa' mongkabubulakon palabuatan ma'idek anu binaumo nu aha.

AMSAL 14:14

Mian anu ma'idek na kinyonyoanyo saidi' mae monta'up bua'nyo nu palabuatannyo anu ma'i-ma'idek aijo'; panyo mian anu manonong saidi' mae mohumpak bua'nyo nu palabuatannyo anu mano-manonong aijo'.

AMSAL 2:15

Kinyonyoa nu aha tageo' ka' kantumuu'an nu aha madi' adin.

AMSAL 21:16

Mian anu madi' mombatuki mosia na kantumuu'an nu mian anu manonong, tantu saidi mae tokamo i dunia nu mian anu sinilakamo.

YESAYA 54:10

Maumo to ahi' bungku-bungkutnyo ka' puge'nyo iwi-iwi' gayu'anmo, Aku madi' belenti na mongkalibosi beleyum. Paladamean anu jinanji'-Kumo saja' Ku toongi,” na koonyo nu Tumpu anu mongkalibosi beleyum.

YESAYA 54:13

Iwi-iwi' na mian anu jojoong hi beleyum timbalimo to muli-mulid-Ku, aha sanangmo ka' bilahimo na kantumuu'an nu aha.

YESAYA 59:8

Belemiu madi'mo nongusahakon da dame, ka' iwi-iwi' na palabuatan nu belemiu madi' adin. Jalan nu belemiu minggeo-geo' ka' mian anu mombatuki jalan aijo' madi' sanang.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

YEHEZKIEL 37:26

Aku mombaumo sa'angu' na palajanjian tiba aha anu mompo amanmo aha sampe toka sidu-sidutu'. Itano' nu aha aijo' Ku baumo na Laigan-Ku anu tataapmo kiijo' mae sampe toka sidu-sidutu'.

HOSEA 2:18

Tempo'nyo aijo' Aku mombaumo palajanjian tiba iwi-iwi' na ngahannyo nu binatang da aha boli mompoposia mian-Ku anu palesayamo. Madi'mo Ku pobee' na mahampate ka' mongalinimo to paka-pakakas anu bau pahampate aijo' i lipu' nu mian-Ku anu palesayamo aijo', ka' mombau aha da tumuu' sanang ka' amanmo.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

MATIUS 7:23

Panyo Ku taamije, ‘Aku madi' toho' nonsumbu' komiu! Lako'mo, na komiu anu mombau ka'idekan!’ ”

LUKAS 11:25

Tempo'nyo ia tinoka i kiijo', tinokannyo na laigan aijo' belesi' ka' ta'atun.

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

GALATIA 6:16

Kona hi to mia-mian anu tumuu' sipatnyo sumo aitu, ka' sumo aitu mule' kona hi iwi-iwi' mian anu palesayamo hi Tumpu Allah, kutaha'imani Tumpu mombee'ije ka'ima'an ka' balakat-Nyo.

FILIPI 2:15

Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.

IBRANI 10:38

Ka' mian-Ku anu madi'mo ko sala'nyo palesayamo ka' tumuu'mo; panyo de daagi' ko anu aijo' hi aha na anu tolo sule', tantu Aku madi'mo sanang hi ia.”