MAZMUR 122:6 - KITAB NU TUMPU ALLA LELE MA'IMAI'

⁶ Odo'akon na Yerusalem da mohumpak ka'imaan, “O' amalakon da iwi-iwi' na mian anu mongka'ima'i beleyum mohumpak kantumuu'an mai maima.

MAZMUR 122:6 ပူးပေါင်းရင်းမြစ်များ

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

NEHEMIA 11:1

To pola-polaya' jinojoongmo tataap i Yerusalem ka' mule' mian da'isan nompile'imo suele ihe na jojoong i kota' aijo' binuangakon onde na nompile'i, to sampulu' na duan, sa'angu' na auwan na jojong i kota' susi' Yerusalem. Anu madi' kinona nu pompile'i jojoong i to kota-kota' sangga'at.

NEHEMIA 11:2

Aha aijo' daagi' ko anu sanang na jojoong i kota' Yerusalem ka' aha o puji' nu mian da'isan.

ESTER 4:8

Ka' mule' i Mordekhai nombee'mo hi Hatah sulat i tomundo anu tinulis ka' binebakonmo lengkat mae i Susan anu po'ule'mo tinulis, isinyo te palentah mompatei mian nu Yahudi. Ia nonsaimo i Hatah da sulat aijo' obee' hi Ester, ka' otutuhakon apaa na anu jinadimo tempo' uuka hi ia, ka' mule' momoita da i Ester mangadap hi tomundo mamba mongkakaase da okalibosiakon mae na bansanyo.

MAZMUR 51:18

Belento madi' mongka'ima'i koloban anu okolot; de maluanyo aku monsombahkon kiloban anu opotunu, Belento madi' ahi' mongka'ima'i.

YESAYA 62:7

Aha madi' timbali ola mompojohok Ia, ola momohokot, de Yerusalem ma'isa po'ule' Nu potinjo, ka' mompotimbalimo talasanggo isongko-songko na dunia.

YESAYA 66:10

Balame-lame'mo tiba Yerusalem, o mian iwi-iwi' anu mongka'milui ia. Komiu anu sinusa'mo kalana ia, uuka aiya timbalimo balame-lame'.

YEREMIA 29:7

Bakalaja da kokabilahian ahi' na kota' tampat anu pinomboan-Ku belemiu. Balado'a mae hi beleng-Ku bau kapalaluan nu kota' nu belemiu haha atina', kalana de kota' haha itina ma'ima'mo na kantumuu'an nu aha, belemiu suele ma'ima'mo ahi' na kantumuu'an nu belemiu.

YEREMIA 51:50

Tumpu notataemo hi aha mian nu Israel anu kiijo' mae i Babel, “Belemiu madi'mo jadi pinatean! Jadi' lako'mo uuka aiya! Bolimo daagi' montanda'i! Maunyomo ahi' belemiu majo'on lengkat ilaigan, panyo inau' mae ahi' na Aku, Tumpu Allah nu belemiu, ka' suele ahi' o'inau' na Yerusalem.

NOMBILANGMO 24:9

Bansa aijo' sumomo singa lakinyo ka' singa behenyo, anu natidahapamo ka' nati lukutmo. Ihe na baani moliko ia? O amalakon da mian anu mombalakati beleyum obalakati, ka' mian anu mongkutuki beleyum okutuki.”

YOHANES 17:21

Ku poita kita Tuuma, da aha iwi-iwi' timbali mosa'angu', susumo kita Tuuma mosa'angu' tiba Aku, ka' Aku tiba kita Tuuma. O'amalakon da aha timbali mosa'angu' tiba Kita, da dunia palesaya taalu' kita Tuuma na nonsai mae Aku.

EFESUS 4:3

O'usahakon totu-totu'u da tumuu' saja' dame, da posa'angu'an anu pinodaagi'mo nu Roh nu Tumpu tataap ma'ima'.

2 TESALONIKA 3:16

Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.

1 YOHANES 3:14

Sinumbu'tomo, saba' kita nosabatmo i kapatean, ka' nolalinmo i kantumuu'an. Sinumbu'tomo na aijo', kalana kita mongkalibosi to Utu-utus bubu' kita. Mian anu madi' mongkalibosi, alati'nyo daagi' nu kuasai nu kapatean.

1 SAMUEL 12:23

Mongkona butongku ku amalakon da aku boli sampe baladosa' hi Tumpu kalana madi' mondo'akon belemiu, panyo ola ahi' aku suele saja' sabole-bole mombee'i pokinde' hahan anu ma'ima' ka' anu totu'u.