MAZMUR 12:3 - KITAB NU TUMPU ALLA LELE MA'IMAI'

³ Aha iwi-iwi' nompaha bale-baleko'imo, nompaha aka-akalimo nu potatae anu toto ima-ima'.

MAZMUR 12:3 ပူးပေါင်းရင်းမြစ်များ

AYUB 32:22

Maumo pa' lewa' nohangka-hangkat sanggonyo aku madi' monsumbu', ka' de bisuannyo ku bau na aijo', Tumpu Allah tantu sampamo mohukum aku.

MAZMUR 116:11

De aku bingungmo aku motataemo, “Madi'mo ko samiannyo na timbali opalesaya.”

MAZMUR 140:12

Bakas da mian anu talalomo buhingison na mompalentah nutokai mae nu balaa', boli opobee' na mian anu lewa' mompobau-bau jojoong i dunia aiya.

MAZMUR 17:10

aha madi'mo ko kalibosan ka' motatae ko bubuunmo.

MAZMUR 55:22

Potataenyo ma'ima'hondo na ia mombisalai, panyo i uno nu kinyonyoanyo mongka'ideki. Ia basisik madi' ko pesa-pesa, panyo monsusuk, sumomo bajak na ko tajomnyo.

NOSABATMO 15:9

Notatae na sampobali', ‘Aha ku loloi'mo ka' ku hakopmo, kineatku na bajakku ka' pinateankumo na aha. Lantas iwi-iwi' na halata' nu aha ingagoankumo binagi-bagingkumo ka pinakengkumo sampe na osa.’

AMSAL 18:21

Jila' ko kuasanyo momposalamat kantumuu'an kabai mongidei; mian tionyo ahi' montanggung apaa na anu tinaloakonnyomo.

AMSAL 26:24

Anu saja' mongka'ima'i mongka'ideki mian potataenyo matami' panyo kinyonyoanyo saja' mongakali.

YESAYA 10:10

Kupatundu'mo na kalaja'an-kalaja'an anu monsombah pilogot anu lebe balakuasa nulingkudui na anu daagi' i Yerusalem ti ba i Samaria.

YESAYA 59:4

Belemiu mongkalak palakala madi' ko sababnyo apa-apaa ka' momputusi palakala madi' adin. Belemiu baleko' ka' montakabunakon anu madi' kogunanyo; belemiu ko tanga'an monsilakai mian sangga'at ka' mombau anu ma'idek.

YEREMIA 12:6

Beleyum kinabisa'anmo, pakalaus mule' ahi' tibamo to utu-utus nu beleyum na nongkabisa'i; aha suele ahi' nolambanimo beleyum. Boli opalesaya na aha, maunyomo ahi' matami' na potatae nu aha.”

YEREMIA 9:8

Potatae nu aha monsilakai hondo timbali mompatei susumo pana' anu ko bisa'nyo. Apaa na anu sola' nu taloakon nu aha saja' leko'. Potatae nu aha matami' hondo ka' timbali monggoda, panyo sabenannyo aha nonta'anmo so'o.

YEHEZKIEL 28:2

“O manusia anu madi' tumuu' batu, poto'i hi tomundo' Tirus apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia. ‘Kinobubuunmo na beleyum monsangka butong nu beleyum te pilogot anu jojoong i totonga' nu ambai. Timbali na beleyum mimbalu-balu susumo pilogot panyo jaga beleyum ola ahi' manusia biasa.

YEHEZKIEL 28:9

Jadi de tokamo na tempo'nyo aijo' daagi' moko ala na beleyum montaloakon tukooyum beleyum Tumpu? I ahop nu aha anu nompateimo beleyum atina'je ka' nyata' taalu' beleyum ola ahi' manusia biasa.

YEHEZKIEL 29:3

Tumpu Anu Matangkas na Kuasanyo nompokaumo mae aku da mompoto'i hi tomundo' Mesir potuunon sumo uuka, “Aku aiya sampobali' nu beleyum obuaa' daka-daka' hondo anu lewa' male' itotonga' nu kaunyo. Beleyum kinobubuunmo tukooyum beleyum na nombau ka' mule' tukooyum beleyumo na tumpunyo nu Kaunyo Nil aijo'.

DANIEL 7:25

Ia saidi' mae motatae, tukoonyo mongewamo Tumpu Anu Matangkas na Kuasanyo ka' mule' monsakisamo mian anu palesayamo hi hi Tumpu. Ia bala usaha da iwi-iwi na atulan obali'imo ka' mule' bau-bauon nu agama nu aha mian anu palesayamo hi Tumpu ka' mule' aha iamo na mongkuasai kopinnyo totolu' ka' mintonga na taun.

DANIEL 7:8

Hau-haunyo aku mompalahatikan tanduk haha aijo' monti-montiik sa'angu' na tanduk sangga'at tinumuu'mo i olotnyo. Tanduk aijo' ise'panyo timbali monggegenso ka' mombubut totolu' na tanduk haha aijo' anu memang polo-polo'mo. Tanduk ise'ai-aijo' ko matanyo sumo mata nu manusia, ko nganga'nyo ka' saja' montaeakon potatae anu taka-takabun.

MALEAKHI 3:13

Tumpu notatae, “Potatae nu belemiu totu-totu'u nongalumo Aku.” “Panyo pinokilawamo mae nu belemiu, ‘Apaa na anu sinisikmo mami lewa' nongalu belento?’

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.

ANU PINOTO'I HI YOHANES 13:5

Binatang aijo' pinobee'mo na montaeakon to hahan anu talalo molabi ka' mompopo'ise' Tumpu. Ia timbali mompalentah patompulu' ka' ohua' na bitu'on na kopinnyo.

1 SAMUEL 2:3

Bolimo lewa' motatae anu madi' kokaliangannyo! Bolimo lewa' motatae anu madi' ko patunyo! Kalana Tumpu, aijo'mo Tumpu Allah anu monsumbu' hondo iwi-iwi'; anu momputusi iwi-iwi' apaa na anu nu bau nu mian.