MAZMUR 119:96 - KITAB NU TUMPU ALLA LELE MA'IMAI'

⁹⁶ Tinoangkumo mau mule' anu sinukupmo hondo panyo ko batasnyo ahi', ola palentah nu Belento na anu sukup hondo ka' madi' ko batasnyo.

MAZMUR 119:96 ပူးပေါင်းရင်းမြစ်များ

2 SAMUEL 14:25

I Absalom opuji' salaku mian anu olitau hondo hi aha songko-songko na Israel. Madi' ko anu moko ala molingkudui ko olitaunyo aijo'. Lengkat pe'e i pala nu tengkenyo sawe-sawe' aita' i puus nu ubaknyo madi' gana ko anu opisala'i.

2 SAMUEL 16:23

Tempo'nyo aitu iwi-iwi' na pokinde' i Ahitofel tinulutanmo sumomo ahi' potatae nu Tumpu Allah; mau i Daud maumo i Absalom nontulutimo sili na pokinde'nyo.

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

2 SAMUEL 18:14

“Angganmo! Madi'mo ko tempo, ola kalana moto-moto taaman tiba beleyum,” na koonyo i Yoab. Lantas i Yoab nongalamo totolu' na talombo' ka' binunu'akonnyomo hi saha'an i Absalom anu tempo'nyo aitu daagi tutuu' aijo' kala-kalayo' i kau'.

2 SAMUEL 18:17

Lapas aijo' bangke i Absalom ihangkatmo ka' tinuamo i uno nu bubung anu maleeng kiijo' i alas. Bubung aijo' tinabuhanmo nu aha nu batu sampe na bungkut. Iwi-iwi' na gombuan nu suludadu nu aha Israel nopalaimo namba ilaigan nu aha toto samian.

ANU MOMPOLELE POTATAE NU TUMPU 12:8

Aku notatae, memang iwi-iwi' aijo' madi' ko gunanyo, iwi-iwi' ola palasuma madi' ko ala-alati'nyo.

ANU MOMPOLELE POTATAE NU TUMPU 2:11

Panyo imihinyo mae pagala ahi' ku selidiki na kalajangku iwi-iwi', ka' mule' lawengku iwi-iwi' kahanda' mompomingkot kalaja aijo', saba' sinumbu'kuje na iwi-iwi' aijo' taalu' madi' ahi' ko gunanyo. Usahangku aijo' madi' ko gunanyo ola susumo mololoi' mombun,

ANU MOMPOLELE POTATAE NU TUMPU 7:20

I dunia aiya madi' ko mian anu talakana'; madi' koa anu saja' mombau anu ma'ima' ka' madi' toho' binaladosa'.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

MATIUS 5:18

O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

MATIUS 5:28

Panyo uuka Aku motatae hi beleyum: Ihe na montoa samian na boune ka' ko napisunyomo, mian aijo' nasala'mo tiba boune aijo' i uno nu kinyonyoanyo.

ROMA 7:14

Osumbu'to atulan nu agama Yahudi nolengkat mae i Roh nu Tumpu, panyo aku aiya mian ponga'! Aku pinobalukmo da timbali botuan nu dosa'.

1 SAMUEL 17:8

I Goliat tinolotinjomo ka' noloboo'akon nokiijo' hi aha suludadu nu Israel, “Apaa na obau nu belemiu atina'? Kahanda' mahampate na belemiu? Aku mian nu Filistin, o belemiu to posa-posaihon i Saul! Pile'i mae atina' hi belemiu anu baani ka' pintatau' mae da mahampate tiba aku.

1 SAMUEL 9:2

I Kish kino anak mo'ane sanggonyo i Saul samian na olitau anu ma'ima' na butongnyo ka' mule' mahoson. Madi' ko samian anu lebe olitau molingkudui ia hi aha mian Israel iwi-iwi'. Butongnyo mule' lebe matangkas; iwi-iwi' na aha mian nu Israel kotangkasnyo ola toka i bekoangnyo.