MAZMUR 119:87 - KITAB NU TUMPU ALLA LELE MA'IMAI'

⁸⁷ Me ise-ise' pinoko alamo nu aha na aku pinatean, panyo aku madi' nonte palentah nu Belento.

MAZMUR 119:87 ပူးပေါင်းရင်းမြစ်များ

2 SAMUEL 17:16

Koonyo i Husai, “Palia-lia'! Poto'i hi Daud da boli male' i tampat potaapan itina' i kaunyo i padang anu mateges. Ia tionyo ahi' malia-lia' sampa motaap i Kaunyo Yordan. De madi' ia tiba iwi-iwi' na suludadunyo ohopu'imo.”

MAZMUR 119:51

Mian anu kobubuun talalo hondo mongalu aku, panyo aku madi' mosele mompala'i atulan nu Belento.

MAZMUR 119:61

Mian anu ma'idek na kinyonyoanyo nompokonamo so'o da nukona na aku, panyo aku madi' mongkolilimi atulan nu Belento.

YESAYA 58:2

Aha monsombah Aku sansina-sinaa, ka' mongka'ima'i monsumbu' kahanda'-Ku da kokoonyo aha nombaumo anu ma'ima', ka' nontulutimo atulan-Ku. Aha notatae, tukoonyo nu aha sanang hondo na aha monsombah Aku ka' mongka'ima'i atulan-Ku anu adin.”

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

1 SAMUEL 20:3

Tinaaman i Daud, “Tuuma nu beleyum nonsumbu'mo hondo saba' beleyum mongkalibosi hondo aku. Jadi tantu ia madi' mongka'oho' mompoto'i han aijo' hi beleyum da beleyum boli susa' na kinyonyoa. Maumo pa' mosia, Tumpu anu tumuu' na monsumbu' kantumuu'anku aiya totu-totu'u sumomo nggalau' i tuntungnyo nu tanduk!”

1 SAMUEL 26:24

Jadi susuma belento Tomundo' ihalala' akonkumo tumuu' sinaa aiya, sumo aitu mule' de timbali da nu jagai mae nu Tumpu na aku ka' mule' mompopalia mae iwi-iwi' na balaa'!”

1 SAMUEL 26:9

Panyo notatae na i Daud, “Boli nu poposia na ia! Tumpu mohukum mian anu mombau kalakuan anu ma'idek hi tomundo' anu pinile'anmo nu Tumpu.