MAZMUR 119:81 - KITAB NU TUMPU ALLA LELE MA'IMAI'

⁸¹ Kinyonyoangku mongka'ima'i hondo kasalamatan lengkat mae hi Belento; aku montaha'imani anu jinanji'mo nu Belento.

MAZMUR 119:81 ပူးပေါင်းရင်းမြစ်များ

AYUB 19:27

Posi matangku na pontonto'ingku Ia, ka' aiya hi belengku Iamo aijo' na bau bela'ku. Kinyonyoangku naidekanmo kalana belemiu notatae,

MAZMUR 119:114

Belentomo na anu montinjohi mae ka' anu monjagai mae aku aku montaha'imanimo anu jinanji' nu Belento.

MAZMUR 119:20

Madi'mo sinanang na kinyonyoangku kalana nolibosmo aku kahanda' monsumbu' atulan nu Belento sansina-sinaa.

MAZMUR 119:40

Bee'iakon mae na aku kantumuu'an anu bu'ou kalana Belento adin, aku kokahanda' montuluti iwi-iwi' na anu pinutusanmo nu Belento.

MAZMUR 119:41

O, Tumpu ponyata' mae hi belengku taalu' Belento mongkalibosi ahi' mae aku, posalamatakon mae na aku susumo anu jinanji'mo nu Belento.

MAZMUR 119:42

Sahingga aku moko ala montaami mian anu mongalu mae aku, kalana aku montaha'imani potatae nu Belento.

MAZMUR 119:43

Tulungi mae na aku da saja' montaloakon anu totu'u, kalana aku montaha'imani anu pinutusanmo nu Belento.

MAZMUR 119:74

Mian anu tulu-tulutan sanangmo de montoamo mae aku, kalana aku montaha'imanimo anu jinanji'mo nu Belento.

MAZMUR 119:77

Kalibosiakon mae na aku, sahingga aku sabole-boleh tumuu', kalana atulan nu Belento momposanang mae kinyonyoangku.

MAZMUR 130:5

Aku montanda'imo pontulungi mae nu Tumpu, anu jinanji'-Nyomo, ku taha'imanimo.

MAZMUR 73:26

Maumo ahi' santuu'ku ka' butongku madi'mo moko ala mombau apa-apaa, Belento na timbali bau kahosonanku, o, Tumpu; Belento na anu talalo ku taha'imani sampe toka sidu-sidutu' molingkudui iwi-iwi' apaa na anu daagi' hi belengku.

MAZMUR 84:2

Ma'ima' ka' momposanang hondo kinyonyoa na kajojoongan nu Belento, o, Tumpu Anu Daka' na Kuasanyo!

NYANYIAN ANU TALASANGGO 5:8

Balajanji'mo na belemiu to lalangkoyang nu Yerusalem, poto'i hi ia saba' aku talalomo nongka'ima'i ia.