MAZMUR 119:80 - KITAB NU TUMPU ALLA LELE MA'IMAI'

⁸⁰ O' amalakon da kinyonyoangku madi' mosele mompala'i atulan nu Belento, da aku madi' ma'ambang.

MAZMUR 119:80 ပူးပေါင်းရင်းမြစ်များ

2 TAWARIKH 12:14

I Rehabeam nombaumo anu ma'idek kalana ia madi' binala'usaha mombau anu nuka'ima'i nu Tumpu.

2 TAWARIKH 15:17

Maumo madi' ingko-ingkot na tampat ponsomban pilogot i lipu' aijo' ingidean i Asa, panyo ia tataap tinulu-tulutanmo hi Tumpu i uno nu kantumuu'annyo.

2 TAWARIKH 25:2

I Amazia nombaumo anu momposanang kinyonyoa nu Tumpu, panyo madi' buke-buke' na kinyonyoanyo.

MAZMUR 119:6

De ku palahatikan na palentah nu Belento iwi-iwi', saba' aku madi'mo mohumpak ambang.

MAZMUR 25:21

Ku amalakon da ka'ima'an ka' madi' tageo' na kinyonyoa saja' aiya i uno nu kantumuu'anku, kalana aku montaha'imani Belento.

MAZMUR 32:2

Mohumpak ka'ima'an na kantumuu'an nu mian anu palabuatannyo ma'i-ma'idek madi'mo nu palahatikan nu Tumpu ka' suele anu madi' ka'oho' mongakali.

AMSAL 4:23

Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum.

YEHEZKIEL 11:9

Belemiu Ku sabatakonmo mompala'i kota' aiya ka' Ku bee'mo hi mian anu i salipu'an mae. Aku mombee'imo hukuman mate hi belemiu.

YOHANES 1:47

I Yesus nontoa i Natanael tinoka, lantas notatae mongkona ia, “Toa, aijo' mian nu Israel totu-totu'u. Madi' ko baleko'nyo hi ia.”

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

PO'ULE' INGULIT 26:16

“Sinaa aiya Tumpu Allah nu belemiu nompalentahmo belemiu da palentah aijo' iwi-iwi' obau; bau ima-ima' na aijo' ka' okinyonyoai ahi' totu-totu'u.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.