MAZMUR 119:78 - KITAB NU TUMPU ALLA LELE MA'IMAI'

⁷⁸ Bakas da mian anu kobubuun ma'ambangmo kalana lewa'mo nompobau-bau aku, panyo aku na nompotutugakonmo ahi' palentah iwi-iwi' nu Belento.

MAZMUR 119:78 ပူးပေါင်းရင်းမြစ်များ

MAZMUR 1:2

panyo anu mongka'ima'i mombau Palentah nu Tumpu ka' lewa' mompotutugakon maumo sinaa kabai maumo pihi.

MAZMUR 109:3

Aha lewa'mo montaloakon mae hi belengku potatae anu soa'nyo mongka'ideki mae, ka' mompahampateakonmo mae aku mau madi' ko sababnyo.

MAZMUR 119:15

Aku mompaka liomo iwi-iwi' na anu pinutusanmo nu Belento, ka' mompalahatikanmo iwi-iwi' na anu pinoto'imo nu Belento.

MAZMUR 119:21

Belento mompisala'i mian anu kobubuun ka' mongkutuki mian anu mosele madi'mo montuluti palentah nu Belento.

MAZMUR 119:23

Mau mule' to mia-mian anu balakuasa mosa'angu'mo mongewa mae aku, posaihon nu Belento aiya na mompotutugakon ahi atulan nu Belento.

MAZMUR 119:51

Mian anu kobubuun talalo hondo mongalu aku, panyo aku madi' mosele mompala'i atulan nu Belento.

MAZMUR 25:3

Anu madi' montapali Belento, na opopo'ambang panyo anu palesaya hi Belento na madi' ahi' ise-ise' na kinyonyoa.

MAZMUR 35:26

Sahanyo mian anu sanang na montoa kasansala'anku timbalimo bingong ka' mohumpakmo ambang. Sahanyo mian kobubuun mae hi belengku o'alu ka' opopo ambang.

MAZMUR 35:7

Palasuma na aha nonta'an so'o bau pohakop nu aha aku kabai nongkeke bolo' da bau pohakop aku.

MAZMUR 69:4

Aku lewa'mo nomoita tulung sahingga aku nalawemo ka' mule' gogohongku pinakamo hondo. Matangku naposmo hondo na lewa' montanda'i Tumpungku pa' hipian mae na montulungi aku.

YEREMIA 50:32

Bansa nu beleyum anu talalo buulon aijo' tosumpunmo ka' tombahangkangmo. Madi'mo daagi' ko samin na anu montulungi beleyum da po ule' tuminjo. Sinin na kota' nu beleyum Ku papumo, ka' iwi-iwi' na daerahnyo ohansunimo.”

YOHANES 15:25

Panyo memang sumo aitumo, da timbali apaa na anu tinulis i uno nu Kitab nu Atulan nu aha, aijo'mo: ‘Aha mongka'ideki Aku, mau madi' ko sababnyo.’

1 PETRUS 2:20

Kalana apaa na ima'nyo de belemiu sabaan na mongoa'i hukuman anu sabenannyo o tanggung nu belemiu kalana sinala'mo? Panyo de belemiu sabaan na mongoa'i sansala anu mongkona belemiu kalana mombau anu totu'u, saba' Tumpu mombalakatije belemiu.

1 SAMUEL 24:17

Noko taloakon na i Daud potataenyo aijo', notataemo na i Saul, “Tebeleyumo atina' na i Daud anakku?” Lantas i humangmo na ia.

1 SAMUEL 26:18

Lantas ia po ule' mule' notatae “Kadaka' belento Tomundo' daagi sabole-bole mololoi' mae aku? Apaamo na kasala'anku?