MAZMUR 119:49 - KITAB NU TUMPU ALLA LELE MA'IMAI'

⁴⁹ Inau'akon mae na anu jinanji'mo nu Belento hi posaihon nu Belento aiya anu jinanji'mo aijo' timbali ku taha'imani

MAZMUR 119:49 ပူးပေါင်းရင်းမြစ်များ

KAJADIAN 32:9

Lapas aijo' i Yakub binalado'amo, “O Tumpu Allah anu nu sombah nu kai'ku i Abraham, ka' tuumangku i Ishak, hongoakon mae na aku! Tumpu nonsaimo aku ninsusule' mae i lipu'ku ka' hi to utu-utusku. Ka' Tumpu nonjanji'mo mompoko ima'imo iwi-iwi' da timbali bau ka'ima'anku.

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

2 SAMUEL 5:2

Salatanmo pe'e naipuan mae, ka' mule' tempo'nyo i Saul daagi nompalentah kami, belentomo Tomundo' na nongkapali suludadu nu Israel de aha mambamo mahampate, ka' mule' Tumpu binalajanji'mo hi belento Tomundo' na molaya' mian anu pinalesayamo hi Ia, ka' timbaliomo tomundo' nu aha mian Israel.”

2 SAMUEL 7:25

Ka' uuka aiya o, Tumpu Allah de timbali da belento mombalakatiakon mae da sampe toka sidu-sidutu' ahi' janji' anu tinaloakonmo nu belento mongkona butongku aiya tiba lee'ku saidi mae. De timbali apaa na anu jinanji'mo nu belento aijo' obau ahi'.

AYUB 7:7

Inau'akon mae, O Tumpu Allah, kantumuu'anku ola sumo anu opuhakon nu sawo; kasananganku pa' noyamo madi'mo tinoa-toa.

MAZMUR 105:2

Onyanyi na nyanyian anu bau pompuji' Tumpu, polele iwi-iwi' na anu binau-Nyomo, anu nompobangangmo mian.

MAZMUR 105:42

Kalana saja' nu inau' nu Tumpu na anu jinanji'-Nyomo, hi Abraham, posaihon-Nyo.

MAZMUR 106:4

Inau'akon mae na aku, O, Tumpu, kalana Belento mongkanonongi mian anu palesayamo hi Belento, tulungiakon mae suele mule' na aku, de Belento momposalamatmo aha.

MAZMUR 106:45

Kalana nonginau' aha, ia tinonginau'mo i palajanjian-Nyo ka' nongkalibosimo aha kalana daka' hondo na kalibosan-Nyo.

MAZMUR 119:147

Subu-subu aku mobulamo ka' momoita tulung; aku montaha'imanimo aku jinanji'mo nu Belento.

MAZMUR 119:43

Tulungi mae na aku da saja' montaloakon anu totu'u, kalana aku montaha'imani anu pinutusanmo nu Belento.

MAZMUR 119:74

Mian anu tulu-tulutan sanangmo de montoamo mae aku, kalana aku montaha'imanimo anu jinanji'mo nu Belento.

MAZMUR 119:81

Kinyonyoangku mongka'ima'i hondo kasalamatan lengkat mae hi Belento; aku montaha'imani anu jinanji'mo nu Belento.

MAZMUR 71:14

Panyo aku na saja' ahi' montaha'imani Belento, ka' lebe saja'mo ahi' mompuji' Belento.

YESAYA 62:6

Ipagan mesen nu Yerusalem ku pojoong na anu monjagai, sinaa tiba pihi aha madi' ola momohokot, panyo tionyo ahi' saja' mompoingat Tumpu, te palajanjian anu binau-Nyomo.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.