MAZMUR 119:41 - KITAB NU TUMPU ALLA LELE MA'IMAI'

⁴¹ O, Tumpu ponyata' mae hi belengku taalu' Belento mongkalibosi ahi' mae aku, posalamatakon mae na aku susumo anu jinanji'mo nu Belento.

MAZMUR 119:41 ပူးပေါင်းရင်းမြစ်များ

MAZMUR 119:123

Matangku naposmo na montanda'i pontulungi mae nu Belento da momposalamat mae, ku tanda'imo da opobebas mae susumo anu jinanji'mo nu Belento.

MAZMUR 119:132

Siloi mae na aku ka' kalibosi mae na aku, susumo belento mongkalibosi anu mongka'ima'i Belento.

MAZMUR 119:174

Kinyonyoangku mongindimo kasalamatan lengkat mae hi Belento, atulan nu Belento nompolame'mo kinyonyoangku.

MAZMUR 119:50

Aiyamo na mohase' aku i uno nu kasala'anku, kalana anu jinanji'mo nu Belento aijo' mombee'i aku kantumuu'an.

MAZMUR 119:58

Totu-totu'u na aku mongkakase, kalibosan mae nu Belento, kalibosi mae na aku susumo anu jinanji'mo nu Belento.

MAZMUR 119:81

Kinyonyoangku mongka'ima'i hondo kasalamatan lengkat mae hi Belento; aku montaha'imani anu jinanji'mo nu Belento.

MAZMUR 69:16

Boli opojohok na aku nu anjuhakon nu ambai anu bundokmo ka' bokolonmo ka' mule' tonu'mo ilana nu ambai kabai olamunmo i uno nu bolo'.