MAZMUR 119:40 - KITAB NU TUMPU ALLA LELE MA'IMAI'

⁴⁰ Bee'iakon mae na aku kantumuu'an anu bu'ou kalana Belento adin, aku kokahanda' montuluti iwi-iwi' na anu pinutusanmo nu Belento.

MAZMUR 119:40 ပူးပေါင်းရင်းမြစ်များ

MAZMUR 119:107

Aku sinansalamo hondo, o, Tumpu, jagaiakon mae na kantumuu'anku susumo anu jinanji'mo nu Belento.

MAZMUR 119:149

Potombihingakon mae na aku kalana kalibosan nu Belento o, Tumpu jagaiakon mae na kantumuu'anku kalana ka'adilan nu Belento.

MAZMUR 119:156

Talalo hondo daka' na kalibosan nu Belento o, Tumpu, posalamatakon mae na aku susumo ka'adilan nu Belento.

MAZMUR 119:159

Toa mae na aku talalo hondo mongka'ima'i palentah nu Belento, o, Tumpu, posalamatakon mae na aku kalana kalibosan nu Belento.

MAZMUR 119:20

Madi'mo sinanang na kinyonyoangku kalana nolibosmo aku kahanda' monsumbu' atulan nu Belento sansina-sinaa.

MAZMUR 119:25

Aku nale'mo i abu'; po'ule'akon mae na kantumuu'anku susumo anu jinanji'mo nu Belento.

MAZMUR 119:37

Jagai mae na aku da boli ola mololoi' anu madi' ko kaliangannyo, bee'i mae kantumuu'an na aku susumo anu Nu kahanda'i.

MAZMUR 119:5

O' amalakon da kinyonyoangku mahoson na montuluti atulan nu Belento iwi-iwi'.

MAZMUR 119:88

Posalamatakon mae na aku kalana Belento sabole-boleh mongkalibosi, da aku moko ala montuluti atulan nu Belento.

MATIUS 26:41

Bajaga-jaga, ka' balado'a da komiu boli nu kona nu soba'an. Roh miu mongka'oho' mombau anu totu'u, panyo komiu madi' moko ala, kalana sipat nu mian aijo' madi' moko ala.”

MARKUS 9:24

Lau-laus tuumanyo aijo' noloboo', “Tuuma, aku palesaya, panyo palesayangku anu totu-totu'u ola sangkiding. Tulungimae na aku da aku lebe palesaya!”

YOHANES 10:10

Anu buling toka ola da mombuling, da mompatei tiba mongidei. Panyo Aku toka da mian mohumpak kantumuu'an – tumuu' molabi-labi.

YOHANES 5:21

Tuuma aijo' po'ule' mompotumuu' mian mate, ka' mombee'i aha kantumuu'an anu talakana' ka' toka sidu-sidutu'; sumo aitu mule' Anak mombee'i kantumuu'an sidu-sidutu' hi mian anu nuka'oho' Nubee'i kantumuu'an.

ROMA 7:24

Jadi, sumo aiyamo na balu-balunyo nu aku. Aku mohongo-hongo atulan nu Tumpu mombatuki pikilanku, panyo kalana sipat nu mian daagi' i butongku, aku tinundu'mo i dosa'. Paya' na butongku aiya binalaamo! Ihena mongka'oho' momposalamat aku, i butong aiya anu momboa aku i kapatean? Talima kaseh hi Tumpu Allah! Ia na mongka'oho' momposalamat aku hi Yesus Kristus.

1 KORINTUS 15:45

I uno nu Kitab nu Tumpu tinulismo sumo uuka, “Mian anu momona aijo'mo i Adam anu binau ka' pinotumuu',” panyo i Adam anu imihi-mihinyo aijo'mo Roh anu mombee'i kantumuu'an.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

GALATIA 5:17

Kalana pongka'oho' nu manusia mompahasala' tiba pongka'oho' nu Roh nu Tumpu, ka' pongka'oho' nu Roh nu Tumpu mompahasala' tiba pongka'oho' nu manusia. Ohu-ohua' aijo' madi' mompaha kona, sahingga komiu madi' moko ala mombau apaa na anu okahanda'i miu.

EFESUS 2:5

sahingga tempo'nyo kita daagi' nate na rohaninto kalana kita saja' mombau kasala'an, Ia po'ule'mo nompotumuu' kita hingga-hinggat tiba i Kristus. Jadi, ola kalana ka'ima'an nu kinyonyoa nu Tumpu sahingga komiu pinosalamat-Nyomo.

3 YOHANES 1:2

balado'a mongamalakon da beleyum Utus boli masakit ka' iwi-iwi' mompaha ima' beleyum, pokakana sumo kinyonyoaum saja' ma'ima'.