MAZMUR 119:39 - KITAB NU TUMPU ALLA LELE MA'IMAI'

³⁹ Pojo'onakon mae na aku o alu nu anu kukabuhuk, kalana talalo hondo ma'ima' na atulan nu Belento.

MAZMUR 119:39 ပူးပေါင်းရင်းမြစ်များ

2 SAMUEL 12:14

Panyo kalana belento Tomundo' nongambangimo Tumpu kalana nombaumo anu susumo aijo', anak mo'ane nu belento Tomundo' anu salaje' ihampe aijo' na tionyo ahi' silaka.”

MAZMUR 119:123

Matangku naposmo na montanda'i pontulungi mae nu Belento da momposalamat mae, ku tanda'imo da opobebas mae susumo anu jinanji'mo nu Belento.

MAZMUR 119:131

Kinyonyoangku nangada'mo, kalana saja' mongindi palentah nu Belento.

MAZMUR 119:20

Madi'mo sinanang na kinyonyoangku kalana nolibosmo aku kahanda' monsumbu' atulan nu Belento sansina-sinaa.

MAZMUR 119:22

Pobebasakon mae na aku da madi' nu alu ka' nu pisala'i mae nu aha, kalana aku mombaumo atulan nu Belento.

MAZMUR 119:31

Aku nontulutimo iwi-iwi' na palentah nu Belento o, Tumpu, boli opojohok na aku dumo ma'ambang.

MAZMUR 119:43

Tulungi mae na aku da saja' montaloakon anu totu'u, kalana aku montaha'imani anu pinutusanmo nu Belento.

MAZMUR 119:75

Ku sumbu' na kaputusan nu Belento adin o, Tumpu, Belento nohukumo mae aku kalana Belento nongkanonongi mae.

MAZMUR 19:9

Palentah nu Tumpu aijo' sinosokmo hondo, momposanang kinyonyoa. Apaa na anu tinantukanmo nu Tumpu aijo'mo na anu sahondo-hondonyo, mombau mian da mangalati'.

MAZMUR 39:8

Uuka aiya apaa na ku tanda'i, o Tumpu? Olamo ahi' Belento na ku taha'imani.

MAZMUR 57:3

Aku mongkakase momoita tulung hi Tumpu Anu Matangkas na Kuasanyo, hi Tumpu anu timbali mombau apa-apaa hi belengku.

AMSAL 25:10

Kalana, dumo beleyum saidi'mae osanggohimo, mian anu lewa' momboa sisik anu madi opalesaya, ka' sanggo nu beleyum madi' mo ma'ima' sidu-sidutu.

YESAYA 26:8

Kami montulutimo kaputusan nu Belento, o, Tumpu, ka' saja'mo montanda'i Belento; Belentomo na anu opuji ka' mule' anu o, inau'nu kinyonyoa mami.

ROMA 2:2

Osumbu'to de Tumpu monabu'akon hukuman hi to mia-mian anu mombau hia sumo aijo', pomputusi nu Tumpu aijo' totu'u.

PO'ULE' INGULIT 4:8

Ka' bansa daka' iya na anu ko atulannyo susumo aijo' na ko adinnyo pokakana sumo atulan anu pinogulu'kumo hi belemiu sinaa aiya?

1 TIMOTIUS 3:7

Ia tionyo ahi' mian anu ko kalakuan ma'ima' hi mian da'isan; kalana de madi' sumo aijo', dumo ia saidi' mae nu alumo nu mian, sahingga nukonamo nu ponggoda'an nu Ibilis.

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.

TITUS 2:8

Potatae nu anu sinsumbu' na opake da madi' nupoko ala nu pisala'i nu mian, da sampo bali'um timbali ma'ambang kalana madi' ko hahan anu ma'idek, anu timbali tewa' nu sisik nu aha na kita.

ANU PINOTO'I HI YOHANES 19:2

Pomputusi-Nyo palakala adin ka' pande hondo! Ia nomputusimo hukuman hi anu talalo hondo masala', anu nongideimo dunia kalana ia lewa' masala'. Tumpu nohukumo anu masala' aijo', kalana ia nompateimo to posa-posaihon nu Tumpu.”