MAZMUR 119:34 - KITAB NU TUMPU ALLA LELE MA'IMAI'

³⁴ Balakatiakon mae na aku da mangalati' hi atulan nu Belento da saja' ku tuluti, ka' ku bau nu kinyonyoangku totu-totu'u.

MAZMUR 119:34 ပူးပေါင်းရင်းမြစ်များ

1 TAWARIKH 22:12

Ka' bisa-bisa' Tumpu Allah nu beleyum mombee'i kapandean hi beleyum ka' monsumbu' mompalentah Israel susumo anu i uno nu atulan-Nyo.

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 119:10

Totu-totu'u hondo na kinyonyoangku bala usaha monsumbu' Belento, boli opojohok mae na aku dumo mosele madi'mo montuluti palentah nu Belento.

MAZMUR 119:100

Aku na lebe mangalati' molingkudui to tu'a-tu'anyo, kalana aku montoongi iwi-iwi' na anu pinutusanmo nu Belento.

MAZMUR 119:104

Iwi-iwi' na atulan nu Belento nompopangalati'mo aku, sahingga aku nongka'idekimo kalakuan anu tageo'.

MAZMUR 119:125

Aku posaihon nu Belento, popangalati' mae na aku da ku sumbu' na palentah nu Belento.

MAZMUR 119:130

De otalangkan, pangajalan nu Belento mompojingka, mompopangalati' mian anu madi' talalo pande.

MAZMUR 119:144

Atulan nu Belento saja' adin; popangalati' mae na aku da aku tumuu'.

MAZMUR 119:169

O' amalakon da potataengku momoita tulung aiya toka hi Belento, o, Tumpu, popangalati' mae na aku, susumo anu jinanji'mo nu Belento.

MAZMUR 119:2

Mohumpak ka'ima'an na mian anu kantumuu'annyo montuluti palentah-Nyo, ka' totu-totu'u na kinyonyoanyo bala'usaha monsumbu' Tumpu.

MAZMUR 119:58

Totu-totu'u na aku mongkakase, kalibosan mae nu Belento, kalibosi mae na aku susumo anu jinanji'mo nu Belento.

MAZMUR 119:66

Bee'i mae na aku kapandean ka' ilimu' da monsumbu' apa-apaa, kalana ku palesaya na palentah iwi-iwi' nu Belento.

MAZMUR 119:69

Mian anu kobubuun lewa'mo mompobau-bau aku, panyo aku totu-totu'u hondo montuluti kaputusan nu Belento.

MAZMUR 119:73

Belentomo na nompotimbali ka' nontali' aku, popangalati' mae na aku monggului' iwi-iwi' na palentah nu Belento.

MAZMUR 39:2

Aku binapikinmo, “Aku monjagaimo butongku da madi'mo baladosa' kalana nu saduakon nu jila'ku. Aku madi'mo mongka'oho' motatae de mian anu ma'idek na kinyonyoanyo daagi' aitu mae ohani.”

MATIUS 5:19

Sabab kalana aijo', ihe na molanggai sala'sa'angu' na palentah haha aijo' mau mule' talalo ise' ka' mongajan mian sangga'at, mombau sumo aitu mule' timbali anu talalo ise' hi mian anu palesayamo hi Tumpu. Panyo mule' ihe na mompojalan pale-palentah aijo', ka' mongajan mian sangga'at mombau sumo aitu mule', timbali daka' hi mian anu palesayamo hi Tumpu.

MATIUS 7:24

“Yoh, mian anu mohongo potataeng-Ku aiya, ka' montuluti, pokakana sumo mian pande anu mompotinjo laigannyo i bawo nu batu.

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

PO'ULE' INGULIT 4:6

Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’

YAKOBUS 1:25

Atulan nu Tumpu na'ima'mo hondo ka' ko kuasa mompobebas mian. Ka' mian anu monggulu'i ka' mongintomakon ima-ima' tiba mule' montuluti atulan aijo', ka' misa' ola mohongo lantas okolilimimo, mian anu aijo' apaa na anu nubau nu aha nu balakati nu Tumpu.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

YAKOBUS 4:11

To Utu-utus, boli mompaha alu-alu kabai mompaha pisa-pisala'i. Mian anu mongalu kabai mompisala'i utusnyo anu bubu' Kristen, ia mongalu kabai mompisala'i atulan nu Tumpu. Ka' de komiu mompisala'i atulan nu Tumpu, aijo' alati'nyo komiu madi' mombatuki atulan haha aijo', panyo mongatunmo atulannyo.