MAZMUR 119:3 - KITAB NU TUMPU ALLA LELE MA'IMAI'

³ Mohumpak ka'ima'an na mian anu kantumuu'annyo montuluti pongka'oho' nu Tumpu, ka' madi' mombau anu ma'idek.

MAZMUR 119:3 ပူးပေါင်းရင်းမြစ်များ

AYUB 36:11

De aha montulutimo Tumpu Allah ka' monsombahmo Ia, aha tumuu'mo dame ka' mohumpakmo kabilahian sampe toka na tempo'nyo aha silakamo.

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

YEHEZKIEL 18:17

Ia madi' toho' mombau palabuatan anu ma'idek kabai monsaboli lantas mompake bunganyo. Ia tulu-tulutan hondo hi atulan-Ku ka' motuluti hondo palentah-ngKu. Anak aijo' madi' mate kalana nu saduakon nu dosa' nu tuumanyo panyo tataap ahi' tumuu'.

1 YOHANES 3:9

Mian anu tinimbalimo Anak nu Tumpu, madi'mo saja' mombau dosa', kalana sipat nu Tumpu daagi'mo hi ia. Ka' kalana Tumpu aijo' Tuumanyomo, sahingga ia madi'mo timbali sabau-baunyo dosa'.

1 YOHANES 5:18

Osumbu'to saba' iwi-iwi' na mian anu tinimbalimo to ana-anak nu Tumpu, madi' sabau-baunyomo dosa', kalana Anak nu Tumpu Allah na monjagai ia, ka' Anu Ma'idek madi'mo moko ala mombau apa-apaa hi ia.