MAZMUR 119:21 - KITAB NU TUMPU ALLA LELE MA'IMAI'

²¹ Belento mompisala'i mian anu kobubuun ka' mongkutuki mian anu mosele madi'mo montuluti palentah nu Belento.

MAZMUR 119:21 ပူးပေါင်းရင်းမြစ်များ

NEHEMIA 9:16

Panyo mompolee' mami nindaka-daka'mo ka' mule' pinanggagamo; iwi-iwi' na palentah nu Belento madi'mo pinajulian nu aha.

NEHEMIA 9:29

Pinokinde'anmo nu Belento na aha da pangajalan nu belento otapali ahi', panyo aha madi'nontalima atulan nu Belento kalana kinyonyoa nu aha takabun. Padahan de atulan nu Belento obau ahi' na bau-baunyo, tantu mohumpak ka'ima'an na kantumuu'an. Aha panggaga hondo ka' mule' ulawon na kinyonyoa nu aha, madi' mongka'oho' mohongo ka' madi' tulu-tulutan.

MAZMUR 119:10

Totu-totu'u hondo na kinyonyoangku bala usaha monsumbu' Belento, boli opojohok mae na aku dumo mosele madi'mo montuluti palentah nu Belento.

MAZMUR 119:110

Mian anu ma'idek na kinyonyoanyo nompokonamo so'o bau pohakop aku, panyo aku madi' mosele mompala'i kaputusan nu Belento.

MAZMUR 119:118

Belento madi'mo mongala mian anu moselemo madi'mo montuluti atulan nu Belento, ola palansuma na aha kahanda'mo mombatekai.

MAZMUR 119:78

Bakas da mian anu kobubuun ma'ambangmo kalana lewa'mo nompobau-bau aku, panyo aku na nompotutugakonmo ahi' palentah iwi-iwi' nu Belento.

MAZMUR 138:6

Belento talalo hondo susi' panyo anu madi' talakana' Nu palahatikan ahi'; mian anu kobubuun madi' moko ala maninsuluk da madi' Nu toa.

NOSABATMO 10:3

Lantas i Musa ka' i Harun nambamo nangadap hi tomundo ka' nompoto'i hi ia, “Tumpu, Tumpu Allah nu aha bansa Ibrani notataemo, 'Sampe toka hipian na kopinnyo na belento madi' mongka'oho' tulut hi beleng-Ku? Pobee'mo na mian anu pinalesayamo hi beleng-Ku mamba, da aha timbali monsombah Aku.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

YESAYA 10:12

Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 42:24

Ihe na nombee'mo Israel da pinahuhuakon? Temisa' Tumpu ahi'? Hi Iamo na kita binaladosa'mo, kita madi'mo tinumuu' nombatuki palentah-Nyo, ka' madi'mo nontuluti pangajalan-Nyo.

YESAYA 43:28

Aha to ima-imam nu beleyum nohumimi'imo Laigan-Ku. Sahingga Israel Ku bee'mo da lewa' o, alu, lee' i Yakub Ku pojohokmo da opateimo.”

YEREMIA 44:16

“Kami madi'mo mongka'oho' mohongo apaa anu nu poto'i mae nu beleyum hi kami atas sanggo nu Tumpu.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

LUKAS 14:11

Kalana batu-batu mian anu mohangkat butongnyo, tionyo otauhakon, panyo anu mongalukakon butongnyo o hangkat.”

LUKAS 18:14

“Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

PO'ULE' INGULIT 28:15

“Panyo de belemiu madi' montuluti Tumpu Allah nu belemiu, ka' madi' mombau ima-ima' palentah iwi-iwi' ka' atulan-Nyo anu ku bee'mo hi belemiu sinaa aiya, saba' iwi-iwi' na kutuk aiya opokonamo hi belemiu:

PO'ULE' INGULIT 30:19

Uuka aiya opile'imo miu pa' tumuu' kabai silaka, pa' balakat nu Tumpu kabai kutuk-Nyo. Langit ka' tano' ku lagamo da bau sakisi apaa na anu tinaloakonkumo. Pile'i na kantumuu'an.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”