MAZMUR 119:2 - KITAB NU TUMPU ALLA LELE MA'IMAI'

² Mohumpak ka'ima'an na mian anu kantumuu'annyo montuluti palentah-Nyo, ka' totu-totu'u na kinyonyoanyo bala'usaha monsumbu' Tumpu.

MAZMUR 119:2 ပူးပေါင်းရင်းမြစ်များ

1 TOMU-TOMUNDO' 2:3

Ka' obau apaa na anu nu palentahkon nu Tumpu Allah nu beleyum hi beleyum. O tuluti na to atu-atulan ka' to pale-palentahNyo anu tinulismo i uno nu Kitab i Musa, da momoya na kalambanan nu beleyum mingkaliangan na anu nu bau.

1 TAWARIKH 22:19

Jadi tionyo ahi' belemiu palesaya ka' mohongo-hongo Tumpu Allah nu belemiu i uno nu kinyonyoa totu-totu'u ka' i uno nu kantumuu'an nu beleyum. Tampu'unimo na mombau laigan anu bau ponsomban Tumpu, da Peti' Palajanjian-Nyo ka' iwi-iwi' na pakakas sangga'at anu opake samata-mata de monsombahmo Tumpu, opo'una'mo i kiijo'.”

2 TAWARIKH 31:21

Apa-apaa na anu tinanga'annyomo obau, pinoko ala nyomo binau kalana kapentingan nu Laigan nu Tumpu ka' mule' montuluti to atu-atulan nu Tumpu, binaunyomo nu kinyonyoa totu-totu'u kalana ia totu-totu'u mongka'ima'i Tumpu Allah-nyo.

MAZMUR 105:45

da mian anu palesayamo hi Ia aijo', tulu-tulutan hi atulan-Nyo iwi-iwi', ka' montulutimo iwi-iwi' na palentah-Nyo. O puji' na Tumpu!

MAZMUR 119:10

Totu-totu'u hondo na kinyonyoangku bala usaha monsumbu' Belento, boli opojohok mae na aku dumo mosele madi'mo montuluti palentah nu Belento.

MAZMUR 119:101

Ku pimpalimo iwi-iwi' na kalakuan anu ma'idek, da aku tulu-tulutanmo hi pangajalan nu Belento.

MAZMUR 119:115

O, mian anu ma'idek na kinyonyoanyo boli mae ohani hi belengku! Aku montulutimo palentah nu Tumpu Allah-ngku.

MAZMUR 119:146

Aku momoitamo tulung hi Belento; posalamatakon mae na aku, aku montoongimo atulan nu Belento.

MAZMUR 119:17

De timbali da Belento manonong mae hi posaihon nu Belento aiya, da aku sabole-boleh tumuu' ka' montuluti pangajalan nu Belento.

MAZMUR 119:22

Pobebasakon mae na aku da madi' nu alu ka' nu pisala'i mae nu aha, kalana aku mombaumo atulan nu Belento.

MAZMUR 119:33

O, Tumpu, pangajali mae na aku da mangalati' hi atulan nu Belento iwi-iwi' da ku tuluti sampe i ka'ahenannyo.

MAZMUR 119:34

Balakatiakon mae na aku da mangalati' hi atulan nu Belento da saja' ku tuluti, ka' ku bau nu kinyonyoangku totu-totu'u.

MAZMUR 119:57

Olamo Belento na ku ka'ima'i o, Tumpu aku balajanji' mombau pangajalan nu Belento.

MAZMUR 119:69

Mian anu kobubuun lewa'mo mompobau-bau aku, panyo aku totu-totu'u hondo montuluti kaputusan nu Belento.

MAZMUR 119:88

Posalamatakon mae na aku kalana Belento sabole-boleh mongkalibosi, da aku moko ala montuluti atulan nu Belento.

MAZMUR 25:10

Mian anu mohongo-hongo hondo apaa na anu jinanji'-Nyomo ka' hi atulan-Nyo, saja' nukalibosi nu Tumpu ka' madi' nu kolilimi.

AMSAL 23:26

Palahatikan ima-ima', ka' bau sonto'na kantumuu'anku, o'anaku!

YEREMIA 29:13

Belemiu moliomo Aku ka' Aku ohumpakmo nu belemiu, kalana oliomo nu belemiu nu kinyonyoa anu totu-totu'u.

YEHEZKIEL 36:27

Roh-Ku, Ku dudu'akonmo i uno nu kinyonyoa nu beleyum ka' belemiu Ku jagaimo da tumuu'mo montuluti iwi-iwi na atulan-Ku ka' mule' montulutimo iwi-iwi' na palentang-Ku.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

PO'ULE' INGULIT 4:29

Lantas belemiu moliomo Tumpu Allah nu belemiu, ka' de o lio miu totu-totu'u na kinyonyoa, tantu o humpak nu belemiu na Ia.

PO'ULE' INGULIT 6:17

Otuluti na atulan iwi-iwi' anu binee'mo nu Tumpu Allah nu belemiu hi belemiu.

PO'ULE' INGULIT 6:5

Kanonongi na Tumpu Allah nu belemiu, nu kinyonyoa miu anu totu-totu'u; Opotoa i uno nu kantumuu'an nu belemiu ka' i uno nu ko langka-langkas.

1 YOHANES 3:20

Osumbu'to, saba' de kita nupisala'i nu kinyonyoanto, ponsumbu'an nu Tumpu lebe daka' molingkudui ponsumbu'an nu kinyonyoanto, ka' mule' Ia na monsumbu' iwi-iwi'.