MAZMUR 119:174 - KITAB NU TUMPU ALLA LELE MA'IMAI'

¹⁷⁴ Kinyonyoangku mongindimo kasalamatan lengkat mae hi Belento, atulan nu Belento nompolame'mo kinyonyoangku.

MAZMUR 119:174 ပူးပေါင်းရင်းမြစ်များ

KAJADIAN 49:18

O Tumpu, kasalamatan anu obee' nu Belento aijo'mo na anu kupo-kupopea'.

2 SAMUEL 23:5

Sumo aijo'mo na lee'ku anu nu balakatimo nu Tumpu Allah, Palajanjian-Nyo hi belengku madi'mo mongabali' anu jinanji'-Nyomo aijo sampe toka sidu-sidutu' ka' madi'mo ko anu kulangnyo iwi-iwi' ta atun hondo. Tumpu Allah na montantukan ka untunganku mahampate ka' mombee'mae iwi-iwi' apaa na anu nu kahanda'i nu kinyonyoangku.

MAZMUR 1:2

panyo anu mongka'ima'i mombau Palentah nu Tumpu ka' lewa' mompotutugakon maumo sinaa kabai maumo pihi.

MAZMUR 119:111

Palentah nu Belento baumo pusaka'ku sampe toka sidu-sidutu', anu nompolame'mo kinyonyoangku.

MAZMUR 119:16

Atulan nu Belento nomposanangmo aku; pangajalan nu Belento madi'mo ku kolilimi.

MAZMUR 119:162

Anu jinanji'mo nu Belento nompolame'mo aku sumomo mian anu nohumpakmo halata'.

MAZMUR 119:24

Atulan nu Belento iwi-iwi' baumo pompokinde'i aku anu momposanang kinyonyoangku.

MAZMUR 119:41

O, Tumpu ponyata' mae hi belengku taalu' Belento mongkalibosi ahi' mae aku, posalamatakon mae na aku susumo anu jinanji'mo nu Belento.

MAZMUR 119:47

Kasananganku aijo'mo mombau palentah nu Belento kalana ku ka'ima'i.

MAZMUR 119:77

Kalibosiakon mae na aku, sahingga aku sabole-boleh tumuu', kalana atulan nu Belento momposanang mae kinyonyoangku.

MAZMUR 119:81

Kinyonyoangku mongka'ima'i hondo kasalamatan lengkat mae hi Belento; aku montaha'imani anu jinanji'mo nu Belento.

AMSAL 13:12

De anu lewa' o ima-imani madi' opoko ala ohumpak, kinyonyoa susa'mo hondo, panyo de anu okahanda'i ohumpakmo sanangmo na kinyonyoa.

NYANYIAN ANU TALASANGGO 5:8

Balajanji'mo na belemiu to lalangkoyang nu Yerusalem, poto'i hi ia saba' aku talalomo nongka'ima'i ia.

FILIPI 1:23

Ohua' na jalan na mohela' aku. Ku ka'ima'imo hondo na mompala'i dunia aiya da mamba jojoong tiba i Kristus, kalana aijo' na anu talalo ma'ima';