MAZMUR 119:173 - KITAB NU TUMPU ALLA LELE MA'IMAI'

¹⁷³ O' amalakon da Belento saja' sanang mae na montulungi aku, kalana aku nompile'imo da montulutimo atulan nu Belento.

MAZMUR 119:173 ပူးပေါင်းရင်းမြစ်များ

YOSUA 24:22

Lantas i Yosua notataemo, “Jadi posi belemiumo na timbali sakisi tukoonyo nu belemiu, belemiu nompoto'imo palesayamo ka' mohongo-hongomo Tumpu.” “Totu'u,” na koonyo nu aha, “posi kamimo na timbali sakisi.”

LUKAS 10:42

padahan anu penting ola sa'angu'. Ka' i Maria nompile'imo anu ma'ima', anu madi'mo timbali o ala aijo' hi ia.”

PO'ULE' INGULIT 30:19

Uuka aiya opile'imo miu pa' tumuu' kabai silaka, pa' balakat nu Tumpu kabai kutuk-Nyo. Langit ka' tano' ku lagamo da bau sakisi apaa na anu tinaloakonkumo. Pile'i na kantumuu'an.

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

MARKUS 9:24

Lau-laus tuumanyo aijo' noloboo', “Tuuma, aku palesaya, panyo palesayangku anu totu-totu'u ola sangkiding. Tulungimae na aku da aku lebe palesaya!”

AMSAL 1:29

Belemiu sumomo mian anu madi' toho' nongka' ima'i da mohumpak ilimu' ka' madi' montuluti Tumpu.

MAZMUR 119:117

Sangaja'i mae na aku da aku salamat, ka' saja' mompalahatikan palentah nu Belento.

MAZMUR 119:111

Palentah nu Belento baumo pusaka'ku sampe toka sidu-sidutu', anu nompolame'mo kinyonyoangku.

MAZMUR 119:94

Posalamatakon mae na aku, kalana aku aiya, Belentomo na tumpunyo, aku binala'usahamo montuluti atulan nu Belento.

MAZMUR 119:40

Bee'iakon mae na aku kantumuu'an anu bu'ou kalana Belento adin, aku kokahanda' montuluti iwi-iwi' na anu pinutusanmo nu Belento.

MAZMUR 119:35

O' amalakon da aku mintoong hondo-hondo hi palentah nu Belento, kalana aijo' na anu ku ka'ima'i.

MAZMUR 119:30

Aku nompile'imo da tulu-tulutan, palentah nu Belento saja' sabole-boleh ku inau'.

MAZMUR 37:24

De maluanyo ia manabu' madi' ahi' belaon taha-tahahumo, kalana Tumpu na montoongi limanyo.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

1 TAWARIKH 4:10

Panyo i Yabes binalado'amo hi Tumpu Allah anu osombah nu mian Israel, ia notatae “O Tumpu Allah, balakatiakon mae de timbali na aku ka' podaka'akon mae na da'erah-ngKu. Jagaiakon mae na aku, ka' pojo'onakon mae na balaa' da aku madi' sansala.” Ka' anu pinoitanyomo aijo', tinalimamo nu Tumpu Allah.