MAZMUR 119:172 - KITAB NU TUMPU ALLA LELE MA'IMAI'

¹⁷² Aku kahanda'mo monyanyiakon apaa na anu jinanji'mo nu Belento, kalana iwi-iwi' na palentah nu Belento adin.

MAZMUR 119:172 ပူးပေါင်းရင်းမြစ်များ

MAZMUR 119:128

Kalana aijo' aku tumuu'mo susumo pokinde' iwi-iwi' nu Belento; kalakuan anu tageo' ku ka'ideki.

MAZMUR 119:13

Ku daka-daka'i na potatae mompoto'i iwi-iwi' na atulan anu binee'mo mae nu Belento.

MAZMUR 119:138

Iwi-iwi' na palentah anu binee'mo nu Belento adin ka'timbali otaha'imani.

MAZMUR 119:142

Ka'adilan nu Belento tuu'an sampe toka sidu-sidutu', ka' atulan nu Belento saja' totu'u.

MAZMUR 119:46

Atulan nu Belento ku bebakonmo hi to tomu-tomundo' ka' aku madi'mo ma'ambang.

MAZMUR 119:86

Iwi-iwi' na atulan nu Belento timbali otaha'imani, tulungiakon mae na aku, kalana aku i loloi'mo mae madi' ko sababnyo.

MAZMUR 37:30

Mian anu ma'ima na kinyonyoanyo motatae na pande ahi' saja' ahi' hodi' na ia motatae.

MAZMUR 78:4

Kami madi' mompohowini hi to ana-anak mami; kami kahanda' mombebakon hi lee' mami anu aiya mae i ahop mongkona kuasa nu Tumpu ka' kalajanyo anu toto daka-daka', ka' mule' apa-apaa na palabuatannyo anu okabangangi.

ROMA 7:12

Atulan nu agama nolengkat mae hi Tumpu, ka' batu-batu palentah i uno nu atulan aijo' nolengkat mae hi Tumpu, sahingga adin ka' ma'ima'.

ROMA 7:14

Osumbu'to atulan nu agama Yahudi nolengkat mae i Roh nu Tumpu, panyo aku aiya mian ponga'! Aku pinobalukmo da timbali botuan nu dosa'.

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

PO'ULE' INGULIT 6:7

Opogulu'akon hi to ana-anak nu belemiu. Belemiu tionyo ahi' mombisalakon i uno nu laigan, kabai i sambiha'nyo nu laigan, tempo'nyo milawe ka' tempo'nyo mokalaja.

KOLOSE 4:6

Hahan anu otaloakon miu aijo' tionyo ahi' saja' momposanang kinyonyoa ka' nu ka'ima'i nu mian. Tionyo ahi' osumbu' miu mosia na sabenannyo komiu montaami hahan anu nu pokilawa nu mian.