MAZMUR 119:163 - KITAB NU TUMPU ALLA LELE MA'IMAI'

¹⁶³ Iwi-iwi' na anu madi' totu'u ku ka'ideki, panyo atulan nu Belento ku ka'ima'i.

MAZMUR 119:163 ပူးပေါင်းရင်းမြစ်များ

MAZMUR 101:7

Anu sola mongakali balang nu mian madi' timbali jojoong i laiganku; mian anu baleko' madi' moko ala mompaha ahop tiba aku.

MAZMUR 119:104

Iwi-iwi' na atulan nu Belento nompopangalati'mo aku, sahingga aku nongka'idekimo kalakuan anu tageo'.

MAZMUR 119:113

Aku mongka'ima'i iwi-iwi' atulan nu Belento, ku ka'ideki na mian anu madi' totu-totu'u tulu-tulutan hi Belento.

MAZMUR 119:128

Kalana aijo' aku tumuu'mo susumo pokinde' iwi-iwi' nu Belento; kalakuan anu tageo' ku ka'ideki.

MAZMUR 119:29

Pojo'onakon mae na aku da madi' montulu jalan anu madi' totu'u, kalana Belento manonong potiju'akon mae na aku atulan nu Belento.

MAZMUR 119:47

Kasananganku aijo'mo mombau palentah nu Belento kalana ku ka'ima'i.

AMSAL 13:5

Mian anu madi' tageo' na kinyonyoanyo mongka'ideki anu baleko'; panyo kalakuan nu mian anu ma'idek na kinyonyoanyo mongambangi ka' opisala'i.

AMSAL 30:8

Da boli sampe aku montaeakon potatae anu madi' adin ka' baleko', ka' boli opojohok na aku kasiasi kabai kaya. Ola anu ku palalui na bee'mae hi belengku.

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

EFESUS 4:25

Kalana aijo' to Utu-utus iwi-iwi' bolimo baleko'. Pombaumo gau' anu hodi' hi samian ka' hi samian, kalana kita iwi-iwi' bubuu'mo ninsoop bagian butong i Kristus.

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.