MAZMUR 119:156 - KITAB NU TUMPU ALLA LELE MA'IMAI'

¹⁵⁶ Talalo hondo daka' na kalibosan nu Belento o, Tumpu, posalamatakon mae na aku susumo ka'adilan nu Belento.

MAZMUR 119:156 ပူးပေါင်းရင်းမြစ်များ

2 SAMUEL 24:14

Tinaaman i Daud, “I beh silakamo na aku! Panyo' de mule' aku nu hukum nu manusia, lebe ma'ima' kita iwi-iwi' nu hukum nu Tumpu, kalana daka' hondo na kalibosan-Nyo.”

1 TAWARIKH 21:13

Tinaman i Daud; “Beh! Silakamo na Aku! Panyo'i, de mememule nu hukum nu Tumpu anu daka na liibos-Nyo.”

MAZMUR 119:25

Aku nale'mo i abu'; po'ule'akon mae na kantumuu'anku susumo anu jinanji'mo nu Belento.

MAZMUR 51:1

Anu mongkapalai panyanyi. Mazmur kalangan i Daud

MAZMUR 86:13

Kalana Belento saja' mongkalibosi aku, ka' kalibosan nu Belento tahahumo hondo; Belento nohangkatmo nyawangku da boli jojoong kaiyong i uno nu kubun.

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

YESAYA 55:7

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

YESAYA 63:7

Aku kahanda'mo moleleakon kalibosan nu Tumpu ka' mompuji' Ia kalana palabuatan-Nyo. Molabi-labi na balakat-Nyo hi mian anu palesayamo hi Ia, kalana Ia talalo molibos ka' kalibosan-Nyo madi' kokamingkotannyo.