MAZMUR 119:154 - KITAB NU TUMPU ALLA LELE MA'IMAI'

¹⁵⁴ Tinjohiakon mae na palakalangku ka' pobebasakon mae na aku; posalamatakon mae na aku susumo anu jinanji'mo nu Belento.

MAZMUR 119:154 ပူးပေါင်းရင်းမြစ်များ

AYUB 5:8

De aku susumo ahi' beleyum, hi Tumpu Allah na tantu pomoitanku tulung. Hi la na pompoto'ianku hanku aiya ka' ku bee'mo da pa' oposiaje na ulusanku.

MAZMUR 119:25

Aku nale'mo i abu'; po'ule'akon mae na kantumuu'anku susumo anu jinanji'mo nu Belento.

MAZMUR 119:38

Pohosonakon mae na kinyonyoa nu posaihon nu Belento, aiya na anu jinanji'mo nu Belento anu binee'mo hi mian anu tulu-tulutan hi Belento.

MAZMUR 119:40

Bee'iakon mae na aku kantumuu'an anu bu'ou kalana Belento adin, aku kokahanda' montuluti iwi-iwi' na anu pinutusanmo nu Belento.

MAZMUR 35:1

Mazmur i Daud. O Tumpu, ewa na mian anu mongewamo mae aku, pahampateakon na mian anu mompahampateakonmo mae aku.

MAZMUR 35:23

Tinjomo mae montinjohiakon palakalangku o Tumpungku ka' mule' Tumpungku, tulungiakon mae na aku!

MAZMUR 43:1

Bee'i mae ka adinan hi belengku, o Tumpu, tinjohiakon mae na aku da madi' nu kabisa'i nu bansa anu geguan. Pobebas mae na aku da madi' nu patei nu mian anu ma'idek na kinyonyoa nu aha tiba anu saja' mongakali.

AMSAL 22:23

Kalana, Tumpu na monsangaja'i palakala nu aha ka' mongala napas nu mian anu mombee'i kasansala'an aha.

YEREMIA 11:20

Lantas aku binalado'amo, “O Tumpu Anu Mahakuasa, Belento mian kopian anu adin hondo; Belento na monguji' pikilan ka' kinyonyoa nu mian. Palakalangku aiya nu asanakonmo hi Belento. Ku amalakon da aku daagi' ahi' monsakisi'i Belento mombalosakon palabuatan nu mian haha aijo'.”

YEREMIA 50:34

Panyo Aku anu momposalamat aha aijo' mahoson, sanggong-Ku Tumpu Anu Balakuasa. Posi aku na balajuang mongulus palakala nu aha ka' momboa kadamean idunia aiya. Panyo kona hi aha Babel Ku potokamo mae na ka'idekan nu tano' tiba kabuhukan.”

YEREMIA 51:36

Mokonyo aijo' pinoto'imo nu Tumpu hi aha mian anu jojoong i Yerusalem, “Aku montinjohimo palakala nu beleyum ka' mombalosakonmo palabuatan nu sampobali' nu beleyum anu binaumo nu aha hi beleyum. Iwi-iwi' na mata nu uee tiba kaunyo iwi-iwi' anu daagi' i Babel Ku paha otimo.

MIKHA 7:9

Kita binaladosa'mo hi Tumpu kalana aijo' uuka aiya kita tionyo ahi' mongoa'imo kapusan-Nyo. Panyo madi'mo pin Ia monsangaja'imo kita ka' mule' mombee'imo ka adilan hi kita. Ia monsabatakonmo kita ka' momboamo ijingka; kita mongoa'imo kasalamatan lengkat hi Ia.

1 YOHANES 2:1

To ana-anakku! Aku nontulis aiya toka hi komiu da komiu boli mombau dosa'. Panyo de ko anu mombau dosa', saba' hi kita daagi' ko samian na anu mombolosakon, aijo'mo i Yesus Kristus anu talalo adin hondo aijo'; Iaje na mompoitakon ka'ampunan dosa' hi Tuuma.

1 SAMUEL 24:15

Soba toa mae na aku aiya anu kahanda'mo nu patei nu tomundo' nu Israel! Soba toa mae na aku aiya anu lewa'mo nu loloi' nu aha! Aku aiya ola sumo sa'angu' na dedeng anu natemo, ola susumo sa'angu' na somoyu.

1 SAMUEL 24:16

Tumpuje na timbali mian kopian momputusi belento Tomundo' tiba aku aiya. O'amalakon da Iaje na mongulus palakala aiya, ka' montinjohi mae aku aiya ka' momposalamat mae aku aiya da boli opatei nu belento Tomundo'.”