MAZMUR 119:153 - KITAB NU TUMPU ALLA LELE MA'IMAI'

¹⁵³ Toakon mae na kasansala'anku ka' posalamatakon mae na aku, kalana aku madi' mongkolilimi atulan nu Belento.

MAZMUR 119:153 ပူးပေါင်းရင်းမြစ်များ

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

MAZMUR 119:109

Aku saja'mo momboto'akon nyawangku, panyo aku madi' mongkolilimi atulan nu Belento.

MAZMUR 119:141

Aku aiya ise' ka' madi' ko angga'nyo, panyo aku na madi' ahi' mongkolilimi pangajalan nu Belento.

MAZMUR 119:159

Toa mae na aku talalo hondo mongka'ima'i palentah nu Belento, o, Tumpu, posalamatakon mae na aku kalana kalibosan nu Belento.

MAZMUR 119:16

Atulan nu Belento nomposanangmo aku; pangajalan nu Belento madi'mo ku kolilimi.

MAZMUR 119:176

Aku tinalasmo ijalan sumomo domba anu nolapusmo, jadi tokamo mae ka' liomo na posaihon nu Belento aiya, kalana aku madi' mongkolilimi iwi-iwi' na palentah nu Belento.

MAZMUR 119:98

Saja' ku inau' na palentah nu Belento, anu lebemo mompopande aku molingkudui iwi-iwi' na sampobali'ku.

MAZMUR 25:19

Toamo ahi' manjoo' hondo na sampobali'ku; aha mongka'ideki mae hondo aku.

MAZMUR 9:13

Kalana Ia monginau' mian anu nongoa'imo kasansala'an ka' madi' mongkolilimi aha anu tinolokihismo; mian anu talalo buhingison hi sangko mian mohumpak hukuman hi Ia.

AMSAL 3:1

Boli okolilimi na anu ingajankumo hi belemiu, o anakku. Saja' o'inau' na anu pinalentahkonkumo,

MOHAANGI 2:20

O Tumpu toamo ahi' ka' palahatikan na aha anu sinsalamo nu belento aijo'! Pa' daagi ko anu toho'mo binau nu belento susumo aijo'? Tinanyo nongkaanmo posi anaknyo anu talalo hondo nu kalibosi, imam tiba nabi pinateanmo i uno nu Laigan nu belento anu susi'.

MOHAANGI 5:1

Inau' pe'e mae, o Tumpu, apaa na anu jinadimo aiya hi kami. Toa mae na kami, ka' tonto'i mae na kahina'an mami.