MAZMUR 119:144 - KITAB NU TUMPU ALLA LELE MA'IMAI'

¹⁴⁴ Atulan nu Belento saja' adin; popangalati' mae na aku da aku tumuu'.

MAZMUR 119:144 ပူးပေါင်းရင်းမြစ်များ

MAZMUR 119:138

Iwi-iwi' na palentah anu binee'mo nu Belento adin ka'timbali otaha'imani.

MAZMUR 119:151

Panyo Belento ingohanimo, o Tumpu, iwi-iwi' na palentah nu Belento totu'u.

MAZMUR 119:152

Salatanmo pe'e naipuan mae sinumbu'kumo i pangajalan nu Belento iwi-iwi', taalu' Belento nontantukanmo sampe toka sidu-sidutu'.

MAZMUR 119:169

O' amalakon da potataengku momoita tulung aiya toka hi Belento, o, Tumpu, popangalati' mae na aku, susumo anu jinanji'mo nu Belento.

MAZMUR 119:17

De timbali da Belento manonong mae hi posaihon nu Belento aiya, da aku sabole-boleh tumuu' ka' montuluti pangajalan nu Belento.

MAZMUR 119:34

Balakatiakon mae na aku da mangalati' hi atulan nu Belento da saja' ku tuluti, ka' ku bau nu kinyonyoangku totu-totu'u.

MAZMUR 119:66

Bee'i mae na aku kapandean ka' ilimu' da monsumbu' apa-apaa, kalana ku palesaya na palentah iwi-iwi' nu Belento.

MAZMUR 119:73

Belentomo na nompotimbali ka' nontali' aku, popangalati' mae na aku monggului' iwi-iwi' na palentah nu Belento.

MAZMUR 19:9

Palentah nu Tumpu aijo' sinosokmo hondo, momposanang kinyonyoa. Apaa na anu tinantukanmo nu Tumpu aijo'mo na anu sahondo-hondonyo, mombau mian da mangalati'.

AMSAL 10:21

Potatae nu mian anu manonong salakumo balakat kona hi mian da'isan. Panyo kaponga'an nu mian anu ponga' monsilakai posi butongnyo.

AMSAL 4:4

aku pinogulu'mo nu tuumangku. Ia notatae, “O'inau' na to poki-pokinde'ku, boli hondo-hondo okolilimi nu beleyum. Sabole-bole obau apaa na anu pinotiju'kumo, da mohumpak ka'ima'an na kantumuu'an nu beleyum.

AMSAL 7:2

O tutugi na to poki-pokinde' ku da beleyum tumuu' ma'ima'. Obatuki ima-ima' na pangajalanku susumo beleyum monjagai batu numata nu beleyum.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

DANIEL 12:10

Manjoo' na mian o'uji'mo ka' mule' opobelesi'mo ahi' totu-totu'u. Aha mian anu ma'idek na palabuatannyo madi' mangalati' ka' saja' ahi' mombau anu ma'idek. Ola ahi' aha mian anu pande na moko ala mangalati'.

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

MATIUS 13:19

Bine' anu nanabu' i jalan sumomo to mia-mian mohongo lele mongkona mosia na Tumpu mompalentah, panyo madi' mangalati'. Anu Ma'idek aijo' tinoka ka' nongagoi apaa na anu daagi' pinoto'i i uno nu kinyonyoa nu aha.

MATIUS 5:18

O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.