MAZMUR 119:120 - KITAB NU TUMPU ALLA LELE MA'IMAI'

¹²⁰ Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 119:120 ပူးပေါင်းရင်းမြစ်များ

2 TOMU-TOMUNDO' 22:11

Nohongo onyi' nu kitab aijo' binea-beakmo i tomundo' na baju'nyo kalana sinusa'mo hondo na kinyonyoanyo.

1 TAWARIKH 24:30

Anak mo'ane i Musi aha totolu': i Mahli, i Eder tiba i Yerimot. Aijo'mo na to au-auwan hi tulunan nu bansa Lewi.

2 TAWARIKH 34:21

“Lako' mamba pokilawa hi Tumpu na aku aiya pa' mosia ka' suele pa' mosia na to mia-mian anu daagi' kiijo' i Yerusalem ka' i Yehuda mongkona isi nu kitab aiya. Tumpu nontambuha'imo kita kalana mompolee'to madi'mo nombau iwi-iwi na palentah anu tuli-tulis i kita aiya.”

2 TAWARIKH 34:27

beleyum nompele-pele'mo ka' nagakumo kasala'an i ahopku. Aku nompopobuhukmo Yerusalem tukoongku Ku hukumo na Yerusalem ka' mian anu jojoong i kiijo', panyo salatan beleyum nohongomo anu pinompobuhuku-Ku aijo' beleyum i humangmo ka' nombea-beakmo baju' nu beleyum salaku tanda sinusa'mo na kinyonyoa nu beleyum,

AYUB 23:15

Kalana mongkabuhuk Ia, aku i lakatnyomo; de talalomo aku mompotutugakon iwi-iwi' aijo', mompaka pabuhukmo na aku.

AYUB 31:23

Madi' hondo aku mombau sumo aijo', kalana hukuman nu Tumpu Allah na nompopobuhukmo hondo kinyonyoangku.

MAZMUR 119:53

Tinambuha'ankumo hondo na mian anu ma'idek na kinyonyoanyo, kalana aha nompala'imo atulan nu Belento.

MAZMUR 88:16

Daagi' pe'e ise-ise' na aku sinansalamo, ka' iyoo'mo nu kasilakan, aku madi'mo kinogawe apa-apaa na montanggung hukuman nu Belento.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

HABAKUK 3:16

Nohongo aijo' kinyonyoangku ilakatnyomo, ka' biwingku suele ilangkakatanmo. Aku ilu'usmo madi'mo kinokahosonan, tengkengku tosumpunmo iyaya mae na kalajanganku. Pinotenangkumo na kinyonyoangku montanda'i; hukuman nu Tumpu anu opokona hi aha anu nontumbuhimo mae.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

IBRANI 12:21

Apaa na anu tinoamo nu mian Israel haha aijo', talalo ahi' hondo okabangangi sahingga i Musa notataemo, “Aku nabuhukmo ka' i lakatnyomo!”

1 SAMUEL 6:20

Lantas aha mian nu Bet-Semes notataemo, “Ihe na moko ala tuminjo i ahop nu Tumpu, Tumpu Allah Anu Susi' aijo'? Iya na pomboan Peti' aijo' da majo'on lengkat hi kita?”