MAZMUR 119:12 - KITAB NU TUMPU ALLA LELE MA'IMAI'

¹² Ku puji'mo na Belento, o, Tumpu potiju'akon mae na aku atulan nu Belento.

MAZMUR 119:12 ပူးပေါင်းရင်းမြစ်များ

MAZMUR 119:108

Talimakon na do'a bau pontalima kasengku, o, Tumpu, ka' potinganakon mae na aku iwi-iwi' na atulan nu Belento.

MAZMUR 119:124

Opalentah mae na aku sitimbang tiba kalibosan nu Belento ka' potinganakon mae na aku atulan nu Belento.

MAZMUR 119:135

Balakatiakon mae na aku de Belento tokamo mae, ka' potinganakon mae na aku atulan nu Belento.

MAZMUR 119:33

O, Tumpu, pangajali mae na aku da mangalati' hi atulan nu Belento iwi-iwi' da ku tuluti sampe i ka'ahenannyo.

MAZMUR 119:64

Tano' nobuke'mo nu kalibosan nu Belento o, Tumpu pangajali mae na aku atulan nu Belento iwi-iwi'.

MAZMUR 119:66

Bee'i mae na aku kapandean ka' ilimu' da monsumbu' apa-apaa, kalana ku palesaya na palentah iwi-iwi' nu Belento.

MAZMUR 119:68

Kalana Belento manonong ka' saja' mombau anu ma'ima', potinganakon mae na aku atulan iwi-iwi' nu Belento.

MAZMUR 143:10

Potiju'akon mae na aku mombau pongka'oho' nu Belento, kalana Belentomo na Tumpungku. Belento manonong, ka' molaya'mo aku i jalan anu mahata.

MAZMUR 86:11

Pogulu'akon mae, apaa na anu, nu kahanda'i hi belengku, o, Tumpu, da ku batuki ka' ku tuluti totu-totu'u; potimbali mae na aku da tulu-tulutan ka' totu-totu'u na kinyonyoangku.

LUKAS 24:45

Lapas aijo' i Yesus nombukamo pikilan nu aha da monsumbu' apaa na koonyo nu Kitab nu Tumpu.

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

1 TIMOTIUS 1:11

Ajalan aijo' daagi' i uno nu Lele Ma'ima' ka' anu mompolele pinalesayakonmo hi belengku, aijo'mo Lele Ma'ima' lengkat mae hi Tumpu anu opopodaka' ka' anu patut o puji'.

1 TIMOTIUS 6:15

Katokaan-Nyo nu posi tantukanje nu Tumpu i tempo' anu matantu. Iamo na samata-mata Mongkuasai; Ia anu talasanggo, Tomundo i iwi-iwi na tomundo, ka' Tumpu i iwi-iwi na tuan.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.