MAZMUR 119:116 - KITAB NU TUMPU ALLA LELE MA'IMAI'

¹¹⁶ Pohosonakon mae na aku susumo anu jinanji'mo nu Belento da aku tumuu', boli opojohok dumo madi' ku humpak, na anu tinaha'imanankumo.

MAZMUR 119:116 ပူးပေါင်းရင်းမြစ်များ

MAZMUR 119:17

De timbali da Belento manonong mae hi posaihon nu Belento aiya, da aku sabole-boleh tumuu' ka' montuluti pangajalan nu Belento.

MAZMUR 119:6

De ku palahatikan na palentah nu Belento iwi-iwi', saba' aku madi'mo mohumpak ambang.

MAZMUR 25:2

O Tumpu-ngku, aku palesayamo hi Belento! Boli pojohok na aku opopo'ambang, ka' boli nu soso'oya'i nu anu monsampo bali' mae aku.

MAZMUR 37:17

Kalana kuasa nu mian anu ma'idek na palabuatannyo nu pato'imo nu Tumpu, panyo anu ma'ima' na kinyonyoanyo na Nu jagai ahi'.

MAZMUR 37:24

De maluanyo ia manabu' madi' ahi' belaon taha-tahahumo, kalana Tumpu na montoongi limanyo.

MAZMUR 41:12

De maluanyo aku madi' nu pokala nu sampobali'ku, atina'je ka' kusumbu' taalu' Belento sanang ahi' mae hi belengku.

MAZMUR 54:4

Potombihingakon mae na anu ku kakase aiya o Tumpu de timbali sanang mae ahi' na mompalahatikan potataengku.

MAZMUR 63:8

Kalana Belento na nontulungimo mae aku; i uno nu polipik nu Belento, aku nanyanyimo ka' i lame'mo.

MAZMUR 94:18

Salatan tinutuganku tukoongku taalu' aku tohumpukmo, kalibosan nu Belento, Tumpu, po'ule'mo nompohoson mae aku tinuminjo.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

ROMA 10:11

I uno nu Kitab nu Tumpu tinulis, “Mian anu palesaya madi' mompele-pele'.”

ROMA 5:5

Anu otaha'imani susumo aiya madi' ahi' mombaleko'i kita, kalana kinyonyoanto ingisianmo nu Tumpu nu liibos-Nyo. Tumpu nombau aijo' montului Roh-Nyo, anu binee'mo hi kita.

1 PETRUS 2:6

Kalana i uno nu Kitab nu Tumpu tinulismo sumo uuka, “Aku nompile'imo sa'angu' na batu anu ko angga'nyo, anu Pino'una'kumo i Sion salaku batu anu penting; ka' mian anu pinalesayamo hi Ia madi' mompele-pele'.”