MAZMUR 119:102 - KITAB NU TUMPU ALLA LELE MA'IMAI'

¹⁰² Aku madi' mongkolilimi atulan nu Belento, kalana Belentomo na nompogulu' aku.

MAZMUR 119:102 ပူးပေါင်းရင်းမြစ်များ

AYUB 36:22

Sabole-bole otutugi, Tumpu Allah aijo' totu-totu'u daka' hondo na kuasanyo. Te daagi' ko gulu' anu sumo Ia na kopandenyo.

MAZMUR 18:21

Tumpu nombalosimo kalakuanku anu saja' totu'u na ku bau Ia nombalakatimo aku kalana aku madi' ko kasala'an.

AMSAL 5:7

Kalana aitu, to ana-anak, potombihing na potataengku ka' boli okolilimi.

YEREMIA 32:40

Aku mombaumo palajanjian anu sampe toka sidu-sidutu' hi aha. Aku madi' toho' belenti na mombau palabuatan ma'ima' hi aha. Ku pojadimo na aha da mabuhuk ka' moholomati mae Aku nu kinyonyoa anu totu-totu'u ahi' da aha madi'mo matikojo'on hi Belengku.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.