MAZMUR 119:10 - KITAB NU TUMPU ALLA LELE MA'IMAI'

¹⁰ Totu-totu'u hondo na kinyonyoangku bala usaha monsumbu' Belento, boli opojohok mae na aku dumo mosele madi'mo montuluti palentah nu Belento.

MAZMUR 119:10 ပူးပေါင်းရင်းမြစ်များ

2 TAWARIKH 15:15

Iwi-iwi' na aha mian da'isan Yehuda ilame'mo kalana aha binasumpa'mo totu-totu'u na kinyonyoa. Sinanangmo na aha monsombah Tumpu, ka' Tumpu mule' nontalimamo aha. Pino'ima'-Nyomo na ka'ada'an sahingga madi'mo ko anu lewa' mae mompoposia i da'erah nu aha.

MAZMUR 119:118

Belento madi'mo mongala mian anu moselemo madi'mo montuluti atulan nu Belento, ola palansuma na aha kahanda'mo mombatekai.

MAZMUR 119:133

Pohosonakon mae na langkasku susumo anu jinanji'mo nu Belento, boli opojohok na aku nukuasai nu kalakuan anu ma'idek.

MAZMUR 119:176

Aku tinalasmo ijalan sumomo domba anu nolapusmo, jadi tokamo mae ka' liomo na posaihon nu Belento aiya, kalana aku madi' mongkolilimi iwi-iwi' na palentah nu Belento.

MAZMUR 119:2

Mohumpak ka'ima'an na mian anu kantumuu'annyo montuluti palentah-Nyo, ka' totu-totu'u na kinyonyoanyo bala'usaha monsumbu' Tumpu.

MAZMUR 119:21

Belento mompisala'i mian anu kobubuun ka' mongkutuki mian anu mosele madi'mo montuluti palentah nu Belento.

MAZMUR 119:34

Balakatiakon mae na aku da mangalati' hi atulan nu Belento da saja' ku tuluti, ka' ku bau nu kinyonyoangku totu-totu'u.

MAZMUR 119:58

Totu-totu'u na aku mongkakase, kalibosan mae nu Belento, kalibosi mae na aku susumo anu jinanji'mo nu Belento.

MAZMUR 119:69

Mian anu kobubuun lewa'mo mompobau-bau aku, panyo aku totu-totu'u hondo montuluti kaputusan nu Belento.

MAZMUR 125:5

Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

MAZMUR 23:3

Ia nombee'imo aku kahosonan anu i humpakje mule', ka' nontaka'mo aku nontulu jalan anu totu'u, susumo anu jinanji'-Nyomo.

MAZMUR 78:37

Aha madi' tulu-tulutan hi Ia, ka' madi' montoongi palajanjian-Nyo.

AMSAL 2:13

Aha madi'mo mongka' oho' montiho kantumuu'an anu ma'ima'; aha nongalamo jalan anu pintung ka' kahomo dosa'.

AMSAL 21:16

Mian anu madi' mombatuki mosia na kantumuu'an nu mian anu manonong, tantu saidi mae tokamo i dunia nu mian anu sinilakamo.

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

YEREMIA 3:10

Salatan nombaumo iwi-iwi' aijo' Yehuda anu madi'mo tinulu-tulutan aijo' ninsusule'mo mae hi beleng-Ku, panyo ola ahi' nimpula-pula kalana kinyonyoanyo madi' ahi' sahondo-hondonyo. Aku, Tumpu notataemo.”

YEHEZKIEL 34:6

Sahingga dombang-Ku haha aijo' lewa'mo namba ito puge-puge'nyo anu matangkas ka' mule' ito bungku-bungkutnyo. Aha noga'a-ga'atmo namba isongko-songko na dunia, madi' kinosamian na anu mompalahatikan aha kabai molio aha.

HOSEA 10:2

To mia-mian anu kinyonyoanyo tageo' aijo' uuka aiya montanggung ahi' dosa'nyo. Tumpu Allah mohansunimo mezbah nu aha ka' montua' akonmo patong nu pilogot nu aha.

MATIUS 6:24

“Madi' ko samian pe'e timbali mokalaja hi ohua' na tuan. Kalana ia lebe mongkalibosi samian molingkudui anu sangga'at. Kabai ia lebe mohongo-hongo hi tuan samian molingkudui sangga'at. Sumo aitu suele na komiu. Komiu madi' timbali mokalaja bau kapentingan nu Tumpu ka' bau kapentingan suele i halata'.

KOLOSE 3:22

To Utu-utus anu tinimbalimo posaihon. I uno nu han iwi-iwi', tionyo ahi' tulu-tulutan hi tuan miu anu i dunia aiya. Boli tulu-tulutan hi aha ola de aha hau-haunyo monjagai komiu, kalana komiu mongka'oho' da o puji'. Otuluti na aha nu kinyonyoa anu halala', kalana komiu mongadati Tumpu.

1 YOHANES 2:15

Boli mongka'ima'i dunia aiya, kabai mau mule' pa' apaa na anu i uno nu dunia aiya. De komiu mongka'ima'imo dunia, komiu madi'mo mongka'ima'i Tuuma.

1 SAMUEL 7:3

Lantas notataemo na i Samuel hi aha mian nu Israel, “De belemiu po ule'mo monsombah Tumpu, ka' totu-totu'u ahi na kinyonyoa nu belemiu monsombah Ia, saba' tionyo ahi' belemiu mongalin iwi-iwi' na pilogot nu aha mian anu lengkat mae i salipu'an tiba patong nu Pilogot Boune Astoret. Bee'mo na butong nu belemiu totu-totu'u hi Tumpu ka' olamo Ia na osombah sahingga belemiu madi'mo opoposia nu aha mian Filistin.”