MAZMUR 116:9 - KITAB NU TUMPU ALLA LELE MA'IMAI'

⁹ Sahingga aku nongoa'imo kantumuu'an i dunia aiya anu jinaganmo nu Tumpu.

MAZMUR 116:9 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

1 TOMU-TOMUNDO' 2:4

De beleyum tulu-tulutan hi Tumpu, nu ganapi na janji'-Nyo aijo'mo lee'ku na mompalentah Israel, asan aha totu-totu'u na kinyonyoanyo saja' montuluti palentah-Nyo iwi-iwi'.

1 TOMU-TOMUNDO' 8:25

Belento mule' nojanji'mo hi tuumangku tukoonto de lee'nyo mae totu-totu'u tulu-tulutan hi Belento susumo Ia, jadi daagi' saja' ko samian lee'nyo mae anu timbali tomundo' hi aha Israel. Uuka aiya o Tumpu Allah Israel, ganapimo mae iwi-iwi' na anu jinanji'mo nu Belento hi tuumangku i Daud, posaihon nu Belento aijo'.

1 TOMU-TOMUNDO' 9:4

De totu-totu'u na kinyonyoa nu beleyum palesaya hi beleng-Ku hodi' totu-totu'u na kinyonyoa nu beleyum susumo tuuma nu beleyum i Daud, ka' beleyum montuluti totu-totu'u atulan-Ku ka' palentah-ngku haha aijo',

MAZMUR 27:13

Aku palesaya hondo totu-totu'u saidi' mae mongoa'ije kanonongan nu Tumpu i uno nu kantumuu'anku i dunia aiya.

MAZMUR 61:7

O'amalakon da itomundo' mantan na umunnyo sampe molundu-lunduakon tulunan na ia tumuu'.

YESAYA 53:8

Ia tinahanmo ka' pinutusanmo na palakalanyo lantas i hela'mo ka' i hukumo nu hukuman mate. Madi'mo ko anu nompajuli nasibnyo; ia i nate kalana dosa' nu bansanto.

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

LUKAS 1:75

saja' tulut hi Ia ka' momposanang kinyonyoa-Nyo i uno nu kantumuu'anto.